Teithwyr ar faes parcio ysbyty

Ysbyty Brenhinol Gwent

Straeon Perthnasol

Mae meddygon a staff Ysbyty Brenhinol Gwent wedi methu mynd i mewn i faes parcio'r adeilad wedi i deithwyr symud i mewn yno.

Daeth 14 o garafanau o Ffrainc a'r Almaen i'r maes parcio i staff yng Nghasnewydd.

Dywedodd llefarydd ar ran yr ysbyty, Julian Hayman, y byddai'r maes parcio ar gau i staff am dri diwrnod wedi i'r teithwyr ddweud wrth yr ysbyty y byddan nhw'n "symud ymlaen yn fuan".

Ychwanegodd Mr Hayman y byddai'n rhaid i staff wneud trefniadau eraill tan i'r carfanau symud.

Dywedodd un aelod o'r 3,400 o staff yr ysbyty, sydd â 750 o welyau:

"Mae cael lle i barcio yn ddigon anodd fel arfer heb y math yma o beth yn digwydd.

"Mae'n fy nghynddeiriogi bod sefyllfa fel hyn yn gallu parhau tan fod y teuluoedd eu hunain yn penderfynu symud ymlaen.

"Mae yma feddygon a staff meddygol arall yn gweithio ar achosion brys 24 awr y dydd, ac maen nhw'n gorfod parcio ymhell i ffwrdd oherwydd bod criw bychan o deithwyr wedi llygadu'r lle fel gwersyll."

Dywedodd Cyngor Casnewydd eu bod wedi dechrau ymgynghoriad ar greu safle parhaol i Sipsiwn a theithwyr fis diwethaf fel rhan o'r cynllun datblygu lleol.

Bydd fersiwn terfynol y cynllun yn mynd gerbron y cyngor llawn yn ddiweddarach eleni cyn cael ei gyflwyno i Lywodraeth Cymru.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Maes yr Eisteddfod GenedlaetholBargeinion y brifwyl yn Sir Gâr

    Yr Eisteddfod Genedlaethol yn cynnig tocynnau am £10 ar gyfer y brifwyl eleni i bobl sydd yn eu prynu mewn da bryd.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.