Scarlets 26-26 Racing Metro

Scarlets/Racing Roedd y ddau dîm yn llawn hyder

Cael a chael oedd hi erbyn y diwedd, syndod a dweud y gwir o gofio bod Racing yn colli 20-10 ar yr egwyl.

Aeth y Ffrancod ar y blaen oherwydd cais Wenceslas Lauret a chicio Jonathan Sexton ond trodd y llanw oherwydd cic Rhys Priestland a cheisiadau Scott Williams a Rhodri Williams.

Hwn oedd ail gais trawiadol Scott Williams yn Ewrop o fewn chwe diwrnod.

Tra bod olwyr Llanelli'n llawn dyfeisgarwch, pac y Ffrancod oedd fwya' grymus.

Roedd y ddau dîm yn llawn hyder gan fod Llanelli wedi trechu Harlequins yn y rownd gynta' a Racing wedi maeddu Clermont Auvergne ym Mharis.

Cafodd Fabrice Estebanez ei hala i'r cwrt cosbi wedi ffrwgwd gyda Scott Williams.

Ciciodd Priestland gic gosb yn gynnar yn yr ail hanner cyn i Racing wrthymosod. Ciciodd Sexton gic gosb cyn i'r wythwr Matadigo hyrddio drosodd.

Trosodd Sexton a chicio cic gosb arall.

Yn yr amser ychwanegol gwibiodd Lauret dros y llinell ond ni chafodd y cais ei ganiatáu am fod Sexton wedi bwrw'r bêl ymlaen.

Rhyddhad i'r Cymry a siom i'r Ffrancod.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.