Achos Wrecsam: Yn ddieuog o lofruddiaeth

Glynis Solmaz Cafodd Glynis Solmaz ei darganfod yn farw gydag anafiadau i'w phen a'i hwyneb

Straeon Perthnasol

Mae rheithgor wedi penderfynu bod dyn, oedd yn wynebu cyhuddiad o lofruddio menyw 65 oed, yn ddieuog.

Roedd Christopher Curran o Frymbo yn un o ddau ddyn oedd yn wynebu cyhuddiad o ladd Glynis Solmaz yn ei chartre' yn y dre'.

Roedd wedi pledio'n euog i gynllwynio gyda thri dyn arall i ddwyn o'i chartre'.

Roedd rheithgor Llys y Goron Yr Wyddgrug wedi ystyried am dros naw awr.

Mae'r barnwr Mr Ustus John Griffiths-Williams wedi gyrru'r rheithgor adref.

Fe fyddan nhw'n dychwelyd fore Iau i ystyried eu dyfarniad yn achos y diffynnydd arall Alexandros Wetherill.

Mae Wetherill wedi cyfaddef achosi marwolaeth Mrs Solmaz ac wedi pledio'n euog i ddynladdiad.

Ond mae wedi gwadu cyhuddiad o lofruddiaeth.

Pan fydd y rheithgor yn penderfynu fe fydd y barnwr yn dedfrydu Wetherill, 24 oed o Wrecsam, naill ai am lofruddiaeth neu ddynladdiad ac o gynllwynio i ddwyn.

Bydd hefyd yn dedfrydu Curran, 34 oed, cyn fab-yng-nghyfraith Mrs Solmaz, Christopher Natt, a David Lovell am gynllwynio i ddwyn o'i chartref gan fod y pedwar wedi pledio'n euog i hynny.

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.