Gwyddel yn fuddugol ym mhumed cymal ras Tour of Britain

Sam Bennett Y Gwyddel Sam Bennett yn ennill y cymal ddydd Iau

Straeon Perthnasol

Y Gwyddel Sam Bennett oedd yn fuddugol ym mhumed cymal ras feicio Tour of Britain.

Ond mae Syr Bradley Wiggins yn parhau i fod ar y blaen wedi pum cymal.

Roedd y beicwyr yn rasio o Fachynlleth i Gaerffili ddydd Iau.

Roedd rhaid teithio drwy'r canolbarth a Bannau Brycheiniog a sawl allt heriol yn eu hwynebu, gan gynnwys un hiraf y ras, 6.7 o gilomedrau o hyd.

Dywedodd y Gwyddel: "Mae'r wythnos hon wedi bod yn anhygoel.

"Roedd hi'n anodd iawn ar y diwedd ... alla' i ddim credu 'mod i wedi ennill.

"Ro'n i'n gwybod hyn, os o'n i'n llwyddo i bara wrth ddringo'r mynydd, fe fydde digon o nerth ar ôl ar gyfer y sbrint."

Mark Cavendish oedd yn fuddugol ar bedwerydd diwrnod y ras ddydd Mercher pan aeth y beicwyr drwy Wrecsam, Sir y Fflint, Sir Ddinbych a Chonwy cyn gorffen am y diwrnod yn Llanberis yng Ngwynedd.

Bradley Wiggins Roedd y beicwyr yn rasio 177 o gilomedrau drwy'r canolbarth a Bannau Brycheiniog ddydd Iau

Llwyddodd Owain Doull o Gaerdydd i orffen yn y chweched safle.

Mae'r ras wyth cymal, 1,045 o gilomedrau o hyd, yn gorffen yn Llundain ddydd Sul.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.