Creu 200 o swyddi mewn cwmni dodrefn yn Sir y Fflint

Paul Islip Mae Paul Islip yn dweud bod Westbridge yn bwriadu agor safle newydd ar Barc Diwydiannol Glannau Dyfrdwy

Straeon Perthnasol

Mae cwmni dodrefn yn Sir y Fflint wedi dweud eu bod yn gobeithio creu 200 o swyddi, wedi iddyn nhw arwyddo cytundeb newydd gyda chwmni rhyngwladol, Ikea.

Mae Westbridge Furniture Designs yn cyflogi 650 o bobl ar ddau safle, sy'n cynhyrchu 5,000 darn o ddodrefn bob wythnos.

Mae'r cwmni yn dweud eu bod eisoes wedi cyflogi 60 o bobl i ddelio gyda'r galw ychwanegol, ac maent yn gobeithio cynyddu'r nifer i 200 dros y flwyddyn nesaf.

Dywedodd y rheolwr gyfarwyddwr, Paul Islip bod y cytundeb newydd yn newyddion da i'r ardal.

Mae BBC Cymru wedi gofyn i Ikea wneud sylw.

Dywedodd Mr Islip bod y cytundeb i gyflenwi cadeiriau, soffas a gwlâu soffa wedi eu gorchuddio mewn lledr neu ffabrig.

Dywedodd hefyd bod y cwmni eisoes yn cyflenwi siopau Marks & Spencer, Next a John Lewis.

Mae Westbridge yn gweithio o ddau safle yn Sir y Fflint, yn Nhreffynnon ac ar Barc Diwydiannol Glannau Dyfrdwy.

O ganlyniad i'r cytundeb newydd, mae'r cwmni yn bwriadu agor trydydd safle 140,000 troedfedd sgwâr o faint, ar y Parc Diwydiannol.

"Rydym yn falch iawn ein bod ni yn cyrraedd y gofynion i gyflenwi Ikea, ac yn edrych ymlaen berthynas hir a llwyddiannus gyda nhw," meddai Mr Islip.

"Mae'n golygu y gallwn greu 200 o swyddi i'r ardal."

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.