Artistiaid Cymraeg ar lwyfan newydd i Ŵyl No. 6

Manic Street Preachers Bydd y Manic Street Preachers ymhlith y bandiau fydd yn ymddangos yn yr ŵyl

Straeon Perthnasol

Mae gŵyl gerddorol yn dychwelyd i Bortmeirion gyda llwyfan newydd i anrhydeddu crëwr y pentref, Syr Clough Williams-Ellis.

Cynhaliwyd Gŵyl No. 6 yn y pentref Eidalaidd am y tro cyntaf yn 2012 ac mae'n dychwelyd eleni gyda llwyfannau o gerddoriaeth, comedi a llenyddiaeth.

Ymhlith y bandiau sydd yn ymddangos eleni bydd y Manic Street Preachers a Chic gyda Nile Rodgers.

Bydd Côr Meibion y Brythoniaid yn canu addasiad o un o ganeuon Chic, 'Good Times', fel rhan o'r ŵyl.

Blwyddyn diwethaf roedd eu perfformiad o gân gan New Order, 'Blue Monday', yn un o uchafbwyntiau'r digwyddiad.

'Dathlu diwylliant Cymru'

Eleni mae'r trefnwyr wedi creu llwyfan newydd, Llwyfan Clough, ar gyfer artistiaid Cymraeg a'u cydweithwyr rhyngwladol.

Bydd Geraint Jarman, Bryn Fôn a Cowbois Rhos Botwnnog ymysg y rhai fydd yn ymddangos.

Dywedodd Robin Llywelyn, Rheolwr Gyfarwyddwr pentref Portmeirion: "Mae Gŵyl No. 6 yn ddathliad o'r celfyddydau creadigol mewn amgylchedd unigryw.

"Mae'n briodol bod yr ŵyl yn adlewyrchu a dathlu'r gorau o ddiwylliant cyfoes Cymru yn ei holl amrywiaeth.

"Roedd Clough Williams-Ellis yn falch o'i gysylltiad â beirdd a cherddorion ei wlad frodorol.

"Byddai wedi bod yn falch iawn o weld Festival No. 6 yn rhoi cymaint o bleser ac ysbrydoliaeth i gynifer o bobl."

Mae'r ŵyl yn dechrau ar ddydd Gwener 13 Medi ac yn gorffen ar ddydd Sul 15 Medi.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.