Cynnal angladd Cliff Morgan

Angladd Roedd rhai o enwogion y byd rygbi yn bresennol ar gyfer y seremoni yn Bembridge

Straeon Perthnasol

Mae angladd y chwaraewr rygbi a'r darlledwr, Cliff Morgan wedi ei gynnal ar Ynys Wyth.

Dechreuodd y seremoni am 12.30pm yn Eglwys y Drindod Sanctaidd yn Bembridge, y pentref lle'r oedd Mr Morgan wedi byw ers 9 mlynedd.

Cafodd ei arch ei orchuddio gyda baner Cymru, a'i gario i mewn i'r eglwys wrth i gôr Cymry Llundain ganu.

Roedd enwogion o fyd rygbi Cymru yn bresennol, yn cynnwys Gareth Edwards, Barry John a Gerald Davies.

Roedd rhai o'i gyfeillion o'r byd darlledu yn y seremoni hefyd, yn cynnwys y darlledwr Des Lynam.

Siaradodd mab Cliff Morgan, Nick, a'i wyr, Jack yn y seremoni, cyn i Max Boyce siarad â'r dorf.

Roedd prif weithredwr Undeb Rygbi Cymru, Roger Lewis, a'r llywydd Dennis Gethin hefyd wedi teithio i Bembridge ar gyfer yr angladd.

Cliff Morgan Cafodd yrfa fel gohebydd, sylwebydd a pennaeth darllediadau allanol gyda'r BBC

Roedd yr eglwys yn llawn, a chafodd y seremoni ei chwarae ar uchel seinydd i'r rheiny oedd y tu allan.

Roedd yn cael ei ystyried yn un o'r maswyr gorau cyn iddo gael gyrfa fel gohebydd, sylwebydd a pennaeth darllediadau allanol gyda'r BBC.

Bu farw Mr Morgan ar Awst 29, yn 83 oed.

Chwaraeodd 29 o weithiau dros Gymru a bu'n gapten ar y Llewod yn Ne Affrica yn 1955 -- roedd ei deulu yn gwisgo "ychydig o goch" yn ystod yr angladd er mwyn ei goffáu.

Ymunodd Cliff Morgan gyda BBC Cymru yn 1958 wedi iddo ymddeol o chwarae rygbi.

Bydd yn cael ei gofio am ei sylwebaeth ar y gêm Barbariaid yn erbyn Seland Newydd yn 1973 pan sgoriodd Gareth Edwards gais trawiadol.

Cafodd rhai o uchafbwyntiau darlledu Mr Morgan eu chwarae fel rhan o'r seremoni.

Yn 1975 cafodd ei benodi yn bennaeth darllediadau allanol, swydd yr oedd ynddo am 12 mlynedd. Roedd hefyd yn gyflwynydd ar raglen Sport on Four ar BBC Radio 4

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.