James Collins yn gwadu honiad Coleman

James Collins Mae James Collins yn gwadu honiad Chris Coleman yn llwyr

Straeon Perthnasol

Mae amddiffynnwr Cymru James Collins wedi gwadu honiad rheolwr y tîm cenedlaethol Chris Collins ei fod wedi gwrthod chwarae i'w wlad.

Roedd Coleman wedi honni bod chwaraewr West Ham wedi gwrthod cyfle i ymuno â'r garfan genedlaethol ar gyfer y golled i Serbia nos Fawrth yn dilyn anaf i Sam Ricketts a gwaharddiad y capten Ashley Williams.

Ond mae Collins wedi tanio dadl drwy ddweud: "Ni wnaeth Chris Coleman na neb arall o Gymdeithas Bêl-droed Cymru gysylltu â mi i ofyn i mi ymuno gyda'r garfan.

"Petawn i wedi cael cais i wneud, fe fyddwn i wedi bod yn fodlon iawn cynrychioli fy ngwlad."

Cafodd cefnwr Abertawe Ben Davies ei ddewis fel partner i Danny Gabbidon yng nghanol yr amddiffyn er nad yw Davies wedi chwarae fel amddiffynnwr canol ar lefel broffesiynol.

Dywedodd Coleman: "Mae'n rhaid i chwarae i Gymru fod yn holl bwysig - os nad yw, peidiwch â dod.

"Eglurodd James i mi nad oedd am ddod i mewn i'r garfan ar ôl cael ei adael allan yn wreiddiol am ei fod yn siomedig yn seicolegol. Nid dyna'r agwedd yr ydw i'n chwilio amdano."

Ond mewn datganiad ddydd Mercher dywedodd Collins, 30 oed, ei fod am gywiro pethau.

Dywedodd: "Fe gefais sgwrs gyda Chris i gael eglurhad pam fy mod wedi cael fy ngadael allan o'r garfan wreiddiol ar gyfer y gemau yn erbyn Macedonia a Serbia, ond nes i erioed ddweud y byddwn i'n gwrthod chwarae dros Gymru.

"Rwyf falch o fod yn Gymro ac yn fwy balch o wisgo crys coch fy ngwlad, felly mae unrhyw awgrym y byddwn i'n gwrthod chwarae iddyn nhw yn gwbl anghywir."

Mae'r golled i Serbia wedi gadael Cymru ar waelod Grŵp A yn rowndiau rhagbrofol Cwpan y Byd 2014 gyda dwy gêm yn weddill.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.