Blaenafon yn rhoi her i Jeremy Paxman

Mae'r fideo yn cynnig i Jeremy Paxman ymweld â'r dref, sy'n safle Treftadaeth y Byd

Mae cyflwynydd rhaglen Newsnight y BBC, Jeremy Paxman wedi cael her i ymweld â thref yn ne Cymru, wedi iddo ddweud ei fod yn llai adnabyddus nag Ardal y Llynnoedd yn Lloegr.

Dywedodd Cyngor Torfaen eu bod wedi penderfynu creu fideo am dref Blaenafon, safle Treftadaeth y Byd, yn lle cwyno am sylwadau Mr Paxman.

Mae'r fideo yn gofyn i'r cyflwynydd ymweld â'r dref a rhai o'i atyniadau fel Pwll Mawr a'r amgueddfa lo.

Dywedodd Newsnight eu bod yn sicr bod Blaenafon yn "lle hyfryd i'w weld".

Daeth sylwadau Mr Paxman mewn trafodaeth am gais Ardal y Llynnoedd i gael eu hadnabod fel un o safleoedd Treftadaeth y Byd.

Dywedodd: "Mae Blaenafon yn un o'r safleoedd treftadaeth yma", cyn dweud bod pobl "wedi clywed llawer mwy am Ardal y Llynnoedd na Blaenafon."

Jeremy Paxman Dywedodd Mr Paxman bod mwy o bobl wedi clywed am Ardal y Llynnoedd na thref Blaenafon
Safle Treftadaeth

Cafodd y dref yng nghymoedd y de ei hadnabod fel safle treftadaeth yn 2000.

Penderfynodd UNESCO bod y dref yn haeddu'r teitl oherwydd pwysigrwydd de Cymru mewn allforio glo yn y 19eg ganrif.

Dywedodd llefarydd ar ran Cyngor Torfaen eu bod yn teimlo mai creu fideo oedd y ffordd orau i ateb Mr Paxman.

"Rydym yn gwybod bod llawer o bobl Torfaen yn falch iawn o Flaenafon a buasem ni yn falch cynnig croeso cynnes i Jeremy yn ein tref."

Dywedodd llefarydd ar ran rhaglen Newsnight nad oedd Mr Paxman wedi datgan barn am yr un ardal, a'u bod yn sicr bod Blaenafon yn lle "hyfryd" i'w weld.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.