'Cwtsh' neu 'cwtch'?

Cwtch The Bid A oes gwall sillafu yn arwyddair cais Bae Abertawe?

Straeon Perthnasol

Mae digrifwr o Abertawe wedi tanio dadl ffyrnig am sillafiad gair Cymraeg cyfarwydd!

Arwyddair ymgais Bae Abertawe i fod yn Ddinas Diwylliant 2017 yw "Cwtch The Bid" - mae'r ardal sy'n cynnwys Sir Gaerfyrddin, Castell-nedd a Phort Talbot wedi cyrraedd y rhestr fer o bedwar lleoliad posib.

Ond ai 'cwtch' neu 'cwtsh' ddylai ymddangos yn rhyfelgri'r cais?

Does dim amheuaeth ym meddwl y comedïwr lleol Phil Evans mai cwtsh yw'r sillafiad cywir, ac fe ymddangosodd ar raglen Taro'r Post ar BBC Radio Cymru ddydd Iau i ddadlau ei achos.

"Nid dim ond fi sy'n dweud hyn," meddai.

"Mae'r peth wedi mynd yn wyllt ar y wê - facebook, twitter... bobman!.

"Mae'n neis bod proffil Abertawe wedi codi achos hyn i gyd, ond gyda 'sh' ma' sillafu fe!"

Roedd Rhian Jones, sy'n gweithio gyda'r tîm sy'n cyflwyno cais Bae Abertawe hefyd ar y rhaglen, a dywedodd:

"Fe naethon ni ddadlau am y peth a teimlad y mwyafrif oedd rhoi 'ch' ar y diwedd oedd y peth i 'neud.

"Nagw i'n poeni gormod achos rwy'n credu bod cwtsh yn un o'r geiriau yma sy' ddim yn cyfieithu'n union. Mae e'n air gwych, ond cael blas y gair sy'n bwysig."

Ychwanegodd Phil Evans: "Siwr o fod fydd rhaid i fi dderbyn tîm Bae Abertawe yn dweud 'cwtch', ond os fyddwn ni'n ennill fyddai'n mynd mas i drefnu digwyddiad Comedi Cwtsh fel rhan o'r ŵyl!"

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.