Rhoi'r gorau iddi

Helen Mary Jones Dywedodd Helen Mary Jones ei bod yn bwriadu canolbwyntio ar ei gyrfa a'i theulu

Straeon Perthnasol

Bydd Helen Mary Jones yn gadael ei swydd fel Cadeirydd Plaid Cymru yn yr Hydref.

Ni fydd y cyn Aelod Cynulliad yn ceisio am ail enwebiad ar gyfer y swydd y mae hi wedi bod ynddi ers 2011.

Dywedodd llefarydd ar ran Plaid Cymru fod Mrs Jones, Prif Weithredwr elusen Youth Cymru, wedi penderfynu na fyddai'n bosib' cwblhau gofynion ei swydd ym Mhlaid Cymru yn llawn tra'n gweithio i Youth Cymru.

Mewn e-bost i aelodau'r Blaid, dywedodd hi fod y ddwy flynedd ddiwethaf wedi bod yn "gyffrous iawn".

"Roeddwn i'n falch eithriadol o fod wedi chwarae fy rhan fel cadeirydd cenedlaethol wrth gefnogi pawb a weithiodd mor galed ...

"Rwyf wedi penderfynu peidio â sefyll eto pan ddaw fy amser yn y swydd i ben adeg y gynhadledd gan fod angen i mi ganolbwyntio ar fy ngyrfa a'm teulu am sbel.

'Diolch'

"Hoffwn fanteisio ar y cyfle hwn i ddiolch i bawb am eu cefnogaeth i mi fel cadeirydd, yn enwedig ein tîm staff ardderchog a'm cyd-aelodau ar y pwyllgor gwaith.

"Gwn yr aiff y Blaid o nerth i nerth dan arweiniad Leanne (Wood) ac yr wyf yn edrych ymlaen at fwy o ganlyniadau gwych mewn etholiadau yn y blynyddoedd i ddod."

Cynrychiolodd Llanelli yn y Cynulliad hyd at 2011 pan gollodd y sedd i'r aelod Llafur, Keith Davies.

Cafodd ei phenodi yn brif weithredwr elusen Youth Cymru yr un flwyddyn.

Mwy Am y Stori Hon

Straeon Perthnasol

Gwleidyddiaeth

Pigion

  • BBC Cymru FywGwasanaeth newydd BBC Cymru Fyw

    Mae BBC Cymru yn gwneud newidiadau i'r wefan hon wrth i wasanaeth ar-lein newydd o'r enw BBC Cymru Fyw gael ei lansio.


  • Hel achau ym MangorCyfle i hel achau ym Mhrifysgol Bangor

    Gall unrhyw un sy'n ymchwilio i hanes eu teulu gael mynediad at gronfa ddata helaeth o gofnodion yn Archifau Prifysgol Bangor.


  • Minci AmericanaiddPwy sydd wedi gweld minc?

    Cadwriaethwyr yn galw am gymorth y cyhoedd wrth geisio lleihau nifer y mincod Americanaidd er mwyn gwarchod anifail prin.


  • Portread o William ShakespeareShakespeare: 'Gwedd wahanol' i Gymru?

    A ddylid addasu Shakespeare i'r Gymraeg? Mae arbenigwyr yn rhannu eu barn wrth i'r dathliadau swyddogol ddechrau i nodi 450 o flynyddoedd ers geni'r bardd.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.