93 wedi marw ar ffyrdd Cymru yn 2012

M4 93 o bobl gafodd eu lladd ar y ffyrdd yn 2012

Straeon Perthnasol

Mi gafodd 93 yng Nghymru eu lladd ar y ffyrdd yn 2012, yn ôl manylion Ystadegau Gwladol, hynny yw 23% yn llai na'r flwyddyn flaenorol.

Daw'r mwyafrif o ffigyrau oddi wrth yr heddlu.

Roedd bron 6,000 o ddamweiniau ffyrdd yng Nghymru yn 2012 lle y cafodd rhywun ei anafu.

Cafodd 941 anafiadau difrifol a 7,531 fân anafiadau.

Cwympo

Roedd mwyafrif y damweiniau a arweiniodd at bobl yn cael eu hanafu yn 2012 yn rhai defnyddwyr ceir, tacsi a minibws. 5,986 oedd y cyfanswm.

Ers 1968 pan gafodd yr ystadegau eu nodi, mae nifer y damweiniau ffyrdd wedi cwympo yn flynyddol.

Yn 1973 roedd y cyfanswm uchaf o bobl yn cael eu lladd, sef 424.

Ers 1979 ymlith cerddwyr mae'r cwymp mwyaf wedi bod o ran y rhai sy' wedi marw ar y ffyrdd ac mae'r nifer sy' wedi marw ar feic modur wedi haneru.

Yn ystod y blynyddoedd diwethaf mae nifer y beicwyr sydd wedi marw wedi aros yn gyson yn weddol isel.

'Gwella diogelwch'

Mae'r Ceidwadwyr wedi dweud bod y ffigyrau diweddara' yn newyddion da.

Dywedodd yr AC Byron Davies, llefarydd y blaid ar drafnidiaeth: "Mae ceir mwy modern a thechnoleg well, yn ogystal a gwell addysg i feicwyr, gyrwyr a cherddwyr, yn amlwg yn gwella diogelwch ar y ffyrdd.

"Mae'r ffigyrau yma yn dangos bod y nifer sydd yn cael eu hanafu wedi haneru yn y ddegawd ddiwethaf ac gyfer bron pob categori heblaw am yrwyr beiciau modur, sydd yn para yn uchel.

"Mae marwolaeth un person ar y ffordd yn un yn ormod ac mae yna dal waith i wneud i wella addysg diogelwch ffyrdd, yn enwedig ymlith dynion ifanc, y gyrwyr sy' fwyaf tebygol o gymryd risg."

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.