Priodi dair wythnos ar ôl canfod tiwmor

Amy Sherwood Priododd Amy Sherwood a'i chymar Simon ddydd Sadwrn

Ddydd Sadwrn fe briododd merch sy'n gweithio yn Wrecsam llai na thair wythnos wedi iddi ganfod tiwmor ar ei chalon ei hun, a hynny yn dilyn llawdriniaeth lwyddiannus.

Roedd Amy Sherwood, sy'n gweithio fel eco-cardiograffydd yn Ysbyty Maelor Wrecsam, yn gwneud gwaith hyfforddi arferol gyda chydweithiwr pan welodd bod ei sgan ei hun yn dangos tiwmor yn ei chalon.

Sylweddolodd yn syth bod y cyflwr - atrial myxoma - yn un difrifol, ac fe gafodd ei chyfeirio ar Ysbyty Calon Lerpwl.

Yno fe gafodd lawdriniaeth arloesol i gywiro'r cyflwr mewn pryd iddi hi briodi.

Dywedodd Amy, 33 oed o Tattenhall yn Sir Gaer: "Er fy mod wedi bod yn gwneud eco-cardiograff ar gleifion ers blynyddoedd, nes i erioed ddychmygu y byddwn yn canfod problem gyda fy nghalon fy hun, yn enwedig mor agos at fy mhriodas.

"Diwrnod neu ddau ar ôl canfod y cysgod, roeddwn i yn y theatr ac fe wnaeth y llawfeddygon gyflawni'r driniaeth twll clo er mwyn tynnu'r tiwmor."

Mae Amy yn un o nifer fach o gleifion yn y DU sydd wedi cael llawdriniaeth o'r fath, ac roedd hynny'n un o'r prif resymau pam y cafodd wellhad mewn pryd i'w diwrnod mawr.

Dywedodd Paul Modi, ymgynghorydd llawdriniaeth y galon yn Ysbyty Calon Lerpwl: "Y dull traddodiadol o dynnu unrhyw diwmor o'r fath yw agor y frest yn llwyr ac mae hynny'n golygu cyfnod o wella o dri mis.

"Ond mae'r dechneg newydd yn golygu un toriad bach yn y frest ac yna'r defnydd o gamera i lywio'r driniaeth."

Priododd Amy gyda'i dyweddi Simon yn Eglwys St Alban's yn Tattenhall ddydd Sadwrn gan ddiolch i'r tîm. Ychwanegodd:

"Dwi mor ddiolchgar am safon y gofal a'r driniaeth a gefais gan Mr Modi. Does dim modd y byddwn i wedi gwella mewn pryd pe bawn i wedi cael y driniaeth draddodiadol.

"Diolch i'r tîm i gyd am wneud y diwrnod yn fwy arbennig fyth."

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.