'Dim angen cystadleuaeth i Ddŵr Cymru'

tap

Straeon Perthnasol

Ni fydd cynllun gan lywodraeth y Deyrnas Unedig i greu mwy o gystadleuaeth yn y sector dŵr yn debyg o lwyddo yng Nghymru, yn ôl un o bwyllgorau'r Cynulliad.

Ar hyn o bryd mae Tŷ'r Cyffredin yn ystyried y Mesur Dŵr, ond pe bai'n dod yn ddeddf does dim bwriad ymestyn y gyfraith i Gymru yn syth.

Nod y mesur yw galluogi busnesau, elusennau a sefydliadau eraill ddewis eu cyflenwr dŵr a charthffosiaeth, yn debyg i'r modd sy'n gweithredu gyda nwy a thrydan.

Doedd Pwyllgor Amgylchedd a Chynaliadwyedd y Cynulliad - sydd wedi cwblhau ymchwiliad i oblygiadau posibl y mesur i Gymru - ddim o'r farn y byddai cwsmeriaid yng Nghymru ar eu hennill.

'Cost sylweddol'

Un rheswm am hynny yw model busnes cwmni Dŵr Cymru, sef cyflenwr dŵr mwya'r wlad. Maen nhw'n gweithio fel cwmni nid-am-elw sy'n ail-fuddsoddi unrhyw enillion yn y rhwydwaith.

Dywedodd cadeirydd y pwyllgor, yr Arglwydd Dafydd Elis-Thomas:

"Mae'r gost o gyflwyno'r newidiadau a gynigir ym Mil Dŵr llywodraeth y DU yn sylweddol, ac o gofio'r model di-ddifidend y mae Dŵr Cymru yn ei weithredu nid yw'r pwyllgor wedi'i argyhoeddi y byddai newidiadau o'r fath yn creu unrhyw fuddion ychwanegol i gwsmeriaid, neu'n codi safon gwasanaethau yng Nghymru.

"O gofio bod nifer o aelwydydd yng Nghymru yn ei chael hi'n anodd talu eu biliau presennol, dylid osgoi hyn yn ein barn ni."

Yn ystod ei ymchwiliad, bu'r pwyllgor yn clywed tystiolaeth gan nifer o fusnesau a sefydliadau yng Nghymru.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.