Mwy wedi mynd i'r sioe eto eleni

Tywysog Charles Daeth dros 72,000 i'r sioe ddydd Mercher pan oedd y Tywysog Charles yno

Straeon Perthnasol

Mae trefnwyr y Sioe Frenhinol yn Llanelwedd wedi cadarnhau eu bod wedi torri'r record eleni o ran nifer yr ymwelwyr.

Yn ôl y ffigyrau gafodd eu cyhoeddi fore Gwener roedd 241,781 o bobl wedi ymweld â'r sioe yr wythnos hon.

Roedd hyn dros 600 yn fwy o bobl nac oedd yn y sioe y llynedd pan y daeth 241,099 i Lanelwedd.

Dywed John Davies o Gymdeithas Amaethyddol Frenhinol Cymru bod y digwyddiad yn llwyddo am nifer o resymau:

"Rydw i yn gobeithio bod ein cenedl ni yn falch o'r hyn rydyn ni wedi ei wireddu yma yn ystod y pedwar diwrnod diwethaf."

Ymwelwyr o dramor

51,000 o bobl ddaeth i'r sioe ar y diwrnod olaf ddydd Iau a cafodd y record ei thorri am y nifer mwyaf o bobl mewn un diwrnod ar y dydd Mercher.

Dyma'r diwrnod pan y daeth Tywysog Cymru a Duges Cernyw i'r sioe ac roeddent ymlith 72,315 o ymwelwyr i'r safle.

Nid dim ond pobl o Gymru sydd yn mynychu meddai'r trefnwyr. Maent yn dweud bod 960 o dramorwyr o 40 o wledydd wedi heidio yno.

Mae'r Sioe Frenhinol yn dathlu 50 mlynedd ers iddi gael ei chynnal yn Llanelwedd eleni ac yn ôl Mr Davies mae'r digwyddiad yn rhoi hwb i'r economi leol.

Ychwanegodd mai sioe i'r bobl yw hon, "heb y bobl fyddai gyda ni ddim sioe."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.