Dau yn euog o lofruddio'r ffermwr Llywelyn Thomas

Parker and Smith Yn yr ystod yr achos fe feiodd Frankie Parker a Gary Smith ei gilydd am farwolaeth Llywelyn Thomas

Straeon Perthnasol

Mae dau ddyn oedd wedi gwadu bwrw pensiynwr i farwolaeth wedi eu cael yn euog o lofruddiaeth ac o ladrata.

Cafwyd Gary Smith, 21, a'i nai Frankie Parker, 26, yn euog o ladd Llywelyn Thomas, 76, yn ei gartref yn Chittering, Sir Caergrawnt.

Yn ystod yr achos roedd y ddau wedi beio ei gilydd am yr hyn ddigwyddodd ar Ragfyr 17 y llynedd.

Roedd Llywelyn Thomas yn dod yn wreiddiol o dde Cymru ac wedi bod yn ffermio yn ardal Pen-y-bont ar Ogwr.

Ond fe symudodd i Loegr ar ôl ymddeol.

Yn y llys fe gyfaddefodd Frankie Parker y cyhuddiad o ladrata, ond fe wadodd Gary Smith y cyhuddiad.

Fe ddywedodd Smith ei fod wedi ceisio atal ei nai rhag lladd Mr Thomas.

Bydd y ddau ddyn yn cael eu dedfrydu ddydd Gwener.

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.