Alun Wyn Jones i arwain Y Llewod

Alun Wyn Jones Dyma'r tro cyntaf i Alun Wyn Jones fod yn gapten ar dîm Y Llewod

Alun Wyn Jones fydd capten y Llewod yn y prawf olaf yn erbyn Awstralia ddydd Sadwrn.

Mae'r hyfforddwr Warren Gatland wedi cyhoeddi chwech newid i'r tîm ers ei gem ddiwethaf, gan gynnwys y penderfyniad i beidio cynnwys y Gwyddel Brian O'Driscoll yn y garfan.

Mae'r canolwr Jamie Roberts rŵan yn ddigon iach i chwarae ac mae o Alex Corbisiero, Richard Hibbard, Sean O'Brien, Mike Phillips a Toby Faletau ymhlith y deg Cymro yn y tîm.

1-1

Awstralia enillodd y gêm ddiwethaf ond roedd y Llewod yn fuddugol yn y gêm gyntaf. Mi fydd dydd Sadwrn felly yn ddiwrnod mawr i'r ddau dîm am y bydd y sgôr yn penderfynu pwy sydd wedi ennill y prawf cyfan.

Roedd nifer yn darogan mae O'Driscoll fyddai yn camu i esgidiau Sam Warbuton ar ôl i'r Cymro gael anaf i linyn y gar a hynny oherwydd ei brofiad helaeth.

Ond mae Warren Gatland wedi penderfynu dewis Alun Wyn Jones.

Dyma'r tro cyntaf iddo ef fod yn gapten ar dîm Y Llewod: "Gobeithio mod i wedi fy newis am y ffordd rydw i yn chwarae ac nid o anghenraid oherwydd y ffordd dw i'n arwain," meddai.

"Pan wnes i ddechrau chwarae ar y daith roeddwn i yn canolbwyntio ar gael fy newis i chwarae yn y prawf cyntaf. Mae cael fy newis wedyn i chwarae yn y safle y byddaf i ar gyfer y prawf olaf yn foment reit arbennig i mi yn bersonol. Ond yn amlwg mae yna swydd i'w wneud."

Mwy Am y Stori Hon

Taith y Llewod 2013

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.