Warburton i fethu prawf olaf y Llewod

Ni fydd Warburton yn holliach i'r trydydd prawf. Cafodd Warburton ei anafu wrth i'r Llewod golli'r ail brawf

Ni fydd capten y Llewod, Sam Warburton yn chwarae yn y prawf olaf yn erbyn Awstralia ddydd Sadwrn, oherwydd anaf i'w goes.

Cafodd Warburton ei anafu pan gollodd y Llewod o 16-15 i Awstralia yn Melbourne.

Cafodd anaf i linyn y gar yn yr ail hanner, a daeth cadarnhad heddiw na fyddai'n holliach i arwain y tîm yn y prawf olaf yn Sydney.

Anaf 'sylweddol'

Os bydd yn cael ei ddewis, mae'n debyg mai'r Gwyddel Brian O'Driscoll fydd yn gapten ar y tîm, yn ei gêm olaf dros y Llewod.

Mae'r blaenasgellwr wedi cael rhwyg 'sylweddol' i linyn y gar yn ei goes chwith, ond bydd yn aros gyda'r garfan hyd at ddiwedd y daith.

Fe all Sean O'Brien neu'r Cymro Justin Tipuric ddechrau'r gêm olaf yn erbyn y Wallabies yn lle Warburton.

Dywedodd Warburton ei fod yn "hynod siomedig" na fyddai'n chwarae yn y gêm, pan fydd y Llewod yn gobeithio curo Awstralia i ennill y gyfres.

Mwy Am y Stori Hon

Taith y Llewod 2013

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.