Amheuaeth am ffitrwydd Warburton

Warburton yn derbyn triniaeth am ei anaf Warburton yn derbyn triniaeth am ei anaf

Mae amheuaeth a fydd Sam Warburton yn holliach ar gyfer y prawf olaf yn Sydney wedi i gapten y Llewod orfod gadael y cae ym Melbourne ddydd Sadwrn.

Cafodd y blaenasgellwr anaf i linyn y gâr, ac mae wedi aros ym Melbourne am noson ychwanegol er mwyn canfod pa mor ddifrifol yw'r anaf.

Bydd yn ymuno â gweddill y garfan yn Noosa ddydd Llun.

Dywedodd Warburton nos Sadwrn: "Dyw'r physios ddim yn gwneud asesiad llawn tan 24-48 awr wedi'r gêm.

"Mae'n brifo ar y funud. Dydw i heb gael anaf fel hwn o'r blaen.

TAITH Y LLEWOD I AWSTRALIA 2013

  • Sad, Mehefin 1 -Llewod 59-8 Barbariaid, Hong Kong
  • Mer. Mehefin 5 - Llewod 69-17 Western Force, Perth
  • Sad. Mehefin 8 - Llewod 22-12 Queensland Reds, Brisbane
  • Maw. Mehefin 11 - Llewod 64-0 Tîm cyfunol New South Wales-Queensland Country, Newcastle
  • Sad, Mehefin 15 - Llewod 47-17 New South Wales Waratahs, Sydney
  • Maw, Mehefin 18 - Llewod 12-14 ACT Brumbies, Canberra
  • Sad. Mehefin 22 - Llewod 23-21 Awstralia: Prawf Cyntaf, Brisbane
  • Maw, Mehefin 25 -Llewod 35-0 Melbourne Rebels, Melbourne
  • Sad. Mehefin 29 - Llewod 15-16 Awstralia, Ail Brawf, Melbourne
  • Sad. Gorffennaf 6 - Trydydd Prawf, Sydney

"Wrth gwrs fe hoffwn i arwain y tîm yn y trydydd prawf, ac fe fyddaf yn gwneud popeth y gallaf i wneud hynny."

Roedd Warburton eisoes wedi gadael y cae a bu'n gwylio o'r ochr wrth i Adam Ashley-Cooper sgorio'r cais hwyr i ennill y gêm i Awstralia.

Mewn diweddglo dramatig, methodd Leigh Halfpenny gyda chynnig at y pyst gyda chic ola'r gêm, ond roedd yr hyfforddwr Warren Gatland yn teimlo bod anaf Warburton wedi bod yn allweddol.

Dywedodd: "Roeddwn i'n meddwl bod Sam yn wych ar y cyrion, yn enwedig yn yr hanner cyntaf, a dyna oedd y gwahaniaeth rhwng y ddau dîm.

"Roedd hi'n golled fawr pan ddaeth e oddi ar y cae. Roedd Dan Lydiate wedi blino'n lan, ac fe fyddwn i mwy na thebyg wedi ei dynnu e bant a rhoi Tom Croft ymlaen yn ei le.

"Yn anffodus fe gafodd Sam yr anaf, ac fe newidiodd hynny'n momentwm rhy ychydig."

Er na lwyddodd y Llewod i ennill y gyfres yn Melbourne, roedd Warburton yn hyderus, a dywedodd:

"Mae'n siomedig wrh gwrs, ond rwy'n credu bydd y bois yn deffro yfory a sylweddol y gallwn ni ennill y gyfres o hyd, ac mae gennym bob cyfle i wneud hynny."

Mwy Am y Stori Hon

Taith y Llewod 2013

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.