Cymru'n barod am gêm derfynol dan 20

Rhodri Williams Rhodri Williams yn chwarae i'r Scarlets

Straeon Perthnasol

Bydd tîm rygbi Cymru Dan 20 Cymru yn herio eu cyfoedion o Loegr yn rownd derfynol Pencampwriaeth Ieuenctid y Byd 2013 nos Sul.

Mae'r ddau dîm wedi bod yn perfformio ar lefel uchel iawn drwy gydol y gystadleuaeth a hon fydd y tro cyntaf i ieuenctid Cymru chwarae yn rownd derfynol y gystadleuaeth.

Gan edrych ymlaen at y gêm, dywedodd fewnwr ifanc Cymru a'r Scarlets Rhodri Williams bod yr atgof o golli yn erbyn Lloegr yn y Chwe Gwlad yn ei ysgogi ymlaen.

Chwe Gwlad

"Mae'n cyrraedd y rownd derfynol yn gamp ynddi hun, ond rydym nawr yn canolbwyntio ar yr her nesaf sef i ennill dydd Sul," meddai.

"Dydyn ni heb adael i'n perfformiadau hyd yn hyn fynd i'n pennau. Un diwrnod o seibiant ry'n ni wedi ei gael ac yna aethom yn syth yn ôl at y gwaith o ddadansoddi a pharatoi ar gyfer y rownd derfynol.

"Dydyn ni ddim yn or-hyderus - cawsom ein curo gan Loegr yn eithaf rhwydd yn y Chwe Gwlad - felly fyddwn ni'n cymryd dim yn ganiataol."

Fe wnaeth Lloegr guro Cymru 28-15 ym Mae Colwyn yn gynharach y flwyddyn hon mewn gem oedd yn penderfynu pa dim oedd yn curo'r Gamp Lawn.

Mae Williams yn ffyddiog bod y tîm wedi aeddfedu ers hynny: "Ry'n ni wedi dangos yn y twrnamaint hwn fod gennym yr ystyfnigrwydd i gloddio mewn hyd at y diwedd ac ennill gemau. Rydym yn mynd i angen o leiaf yr un faint o ymrwymiad i guro Lloegr ddydd Sul."

Rhestr fer

Start Quote

Fe ddylai fod yn gêm dda iawn ar ddydd Sul, allwn ni ddim aros."”

End Quote Rhodri Williams Scarlets a Chymru

Mae'r tîm ifanc wedi curo Samoa (42-3), yr Alban (26-21), yr Ariannin (25-20) a De Affrica (18-17) er mwyn cyrraedd y rownd derfynol sy'n cael ei chynnal yn Vannes, Ffrainc.

Fe wnaeth Sam Davies lwyddo i drosi yn yr eiliadau olaf er mwyn curo De Affrica yn y rownd gyn-derfynol, ac mae wedi ei roi ar restr fer gwobr chwaraewr y twrnamaint.

Mae rhif 8 Lloegr Jack Clifford hefyd ar y rhestr fer - ond curo'r gêm fydd gyntaf ym meddwl Sam Davies ddydd Sul.

Hon fydd y gêm derfynol gyntaf i beidio a chynnwys Seland Newydd ac er mai Lloegr yw'r ffefrynnau dyw Rhodri Williams ddim yn gallu aros i wynebu'r hen elyn.

"Mae Lloegr yn dîm gwych, maent yn gyflym iawn a chorfforol ac fe wnaethon nhw atal Seland Newydd rhag chwarae ar yr ystlys yn yr hanner cyntaf. Fe ddylai fod yn gêm dda iawn ar ddydd Sul, allwn ni ddim aros."

Mae'r gêm yn cael ei dangos yn fyw ar S4C.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.