Chwaer April yn awyr blymio i godi arian i dîm achub

Hazel Jones Roedd Hazel Jones eisiau diolch i'r tîm am eu dewrder

Mae un o chwiorydd April Jones wedi awyr blymio 13,000 troedfedd (4,000 metr) i godi arian i ddiolch i'r tîm achub a fu'n chwilio am y ferch bump oed ym Machynlleth.

Pan ddiflannodd y ferch bump oed ym Machynlleth fis Hydref diwetha', fe arweiniodd at un o'r ymgyrchoedd chwilio mwya' yn hanes yr heddlu yn y DU.

Roedd ei hanner chwaer Hazel, 19, eisiau codi arian ar gyfer Tîm Achub Gorllewin y Bannau, gan eu bod nhw, fel y dywedodd hi, "wedi dangos dewrder aruthrol".

Dywedodd llefarydd fod y naid yn Abertawe wedi bod yn llwyddiant a bod Hazel "wedi mwynhau'n ofnadwy".

Wrth gyhoeddi ei chynlluniau ar wefan JustGiving, cyfeiriodd Hazel Jones at "ddewrder ac ymrwymiad anhygoel y tîm wrth iddynt chwilio am fy chwaer fach April Jones pan ddiflannodd hi".

"Roeddynt yn brwydro yn erbyn pob math o dirwedd a thywydd ofnadwy ac er na ddaethpwyd o hyd iddi wnaethon nhw, fel Paul, Coral [rhieni April] a llawer o bobl eraill ddim colli gobaith."

Mae Hazel Jones wedi codi bron i £4,000 ar gyfer y tîm achub mynydd.

Cafodd Mark Bridger, 47, o Geinws, ger Machynlleth, ei ddedfrydu i garchar am oes ym mis Mai ar ôl i lys ei gael yn euog o lofruddio a chipio April Jones.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.