Sioe yn annog pobl i fynd i'w pocedi

Vulcan Bomber XH558 Awyren Vulcan a fydd ymhlith yr atyniadau eleni yn Sioe Awyr Coffa Bob Jones yn y Trallwng

Straeon Perthnasol

Mae pobl yn cael eu hannog i fynd i'w pocedi a thalu i weld sioe awyr yn hytrach na gwylio o'r bryniau gerllaw.

Bydd Sioe Awyr Coffa Bob Jones yn cael ei chynnal yn Y Trallwng ddydd Sul - sioe sy'n denu tua 5,000 o ymwelwyr bob blwyddyn.

Cafodd y sioe ei hail-enwi'r llynedd er cof am sefydlydd maes awyr Y Trallwng, Bob Jones, a fu farw mewn damwain awyren.

Mae'r trefnwyr yn dweud eu bod yn ystyried codi pris y tocynnau o £5 y flwyddyn nesaf gan fod rhai yn gwrthod talu pris mynediad.

Cafodd Mr Jones, ynghyd â Steven Carr o Sir Ddinbych, eu lladd pan syrthiodd eu hawyren i'r ddaear ger Y Trallwng yn Ionawr 2012.

Flynyddoedd cyn hynny fe drodd Mr Jones, oedd hefyd yn ffermwr, rhai o'i gaeau yn faes awyr llawn gyda llain lanio ac adeiladau.

'Lleiafrif'

Yn rhan o'r sioe eleni bydd awyren fomio Vulcan ac arddangosfa hedfan er cof am y 'Battle of Britain'.

Ond dywedodd un o'r trefnwyr Dr John Morgan bod y bobl sy'n gwrthod talu'r pris mynediad yn cael effaith ar lif arian y sioe.

"Lleiafrif sy'n gwylio o'r bryniau cyfagos heb dalu, ond mae hynny'n dechrau cael effaith ar y sioe.

"Rydym angen cymaint o arian ag y gallwn ni er mwyn ceisio adeiladu'r sioe.

"Fedrwn ni ddim rhwystro pobl rhag gwylio o'r bryniau, ond efallai y gallwn ni wneud iddyn nhw ddeall fod angen iddyn nhw dalu i weld y sioe."

Dywedodd Dr Morgan mai'r pris mynediad oedd £5 i oedolion, £3 i blant gyda thocyn teulu'n costio £15.

Y llynedd fe aeth staff y sioe i'r bryniau i ofyn am gyfraniad gan y rhai oedd yn gwylio oddi yno.

"Doedd pobl ddim yn rhoi llawer, ac roedd fwy o arian copr yn y bwcedi a bron dim arian papur," ychwanegodd Dr Morgan.

"Effaith hyn i gyd yw y bydd rhaid i ni ystyried codi'r prisiau'r flwyddyn nesaf efallai."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.