Warburton i arwain y Llewod am y tro cynta' ar y daith

Sam Warburton Collodd y capten Sam Warburton dwy gêm gynta'r daith oherwydd anaf i'w ben-glin

Mae Capten y Llewod Sam Warburton a'r prop Gethin Jenkins wedi eu henwi am y tro cynta' ar y daith i Awstralia, wrth iddyn nhw wynebu Queensland Reds ddydd Sadwrn.

Mae Warburton, 24, wedi gwella o anaf i'w ben-glin, a Jenkins wedi goresgyn problem gyda'i goes.

Bydd pedwar Cymro arall ymhlith 15 y Llewod - Dan Lydiate, Toby Faletau, Alex Cuthbert a Jonathan Davies.

Mae pedwar Cymro arall ar y fainc - Richard Hibbard, Alun Wyn Jones, Justin Tipuric a George North.

Mae'r Llewod wedi galw ar y prop Alex Corbisiero, wedi i Cian Healy gael anaf yn ystod y gêm yn erbyn Western Force ddydd Mercher. Bydd yn cael sgan ar ei bigwrn chwith ddydd Iau.

Cafodd gwrandawiad disgyblu i honiadau fod Healy wedi brathu un o chwaraewyr Western Force, Brett Sheehan, ei ohirio tan ddydd Gwener.

LLEWOD PRYDAIN AC IWERDDON v. QUEENSLAND REDS:

Stuart Hogg, Alex Cuthbert, Manu Tuilagi, Jonathan Davies, Tommy Bowe, Owen Farrell; Ben Youngs; Gethin Jenkins, Tom Youngs, Matt Stevens, Richie Gray, Geoff Parling, Dan Lydiate, Sam Warburton, Toby Faletau.

Eilyddion:Hibbard, Vunipola, A Jones, O'Connell, Tupiric, Murray, Sexton, North.

Mwy Am y Stori Hon

Taith y Llewod 2013

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.