Sawl newid i dîm y Llewod

Mike Phillips Roedd y Cymry'n amlwg iawn ym muddugoliaeth y Llewod yn erbyn y Barbariaid ddydd Sadwrn

Yn ôl y disgwyl, mae llawer o newidiadau i dîm y Llewod fydd yn wynebu Western Force yn ail gêm y daith i Awstralia ddydd Mercher.

Fe fydd pump o chwaraewyr yn chwarae i'r Llewod am y tro cyntaf, gan gynnwys y Cymro Ian Evans.

Wedi i'r Cymry ddisgleirio yn y fuddugoliaeth yn erbyn y Barbariaid ddydd Sadwrn, mae pedwar yn y 15 fydd yn dechrau yn erbyn Western Force, gyda Leigh Halfpenny, George North ac Alun-Wyn Jones yn ymuno ag Evans yn y tîm fydd yn dechrau'r gêm.

Bydd Toby Faletau hefyd ar y fainc.

Wrth gyhoeddi'r tîm, dywedodd yr hyfforddwr Warren Gatland:

"Roedd llawer o bethau positif o'r gêm gyntaf yn Hong Kong. Roedd ein ffitrwydd ac ymroddiad yn wych.

"Wedi dweud hynny, dyna oedd ein gêm gyntaf ac mae lle i wella.

"Wrth gwrs mae hwn yn dîm newydd, a'r her yw sicrhau ein bod yn dewis chwaraewyr sy'n parhau gyda'r gwelliant rydym yn chwilio amdano ar y cae."

Y Gwyddel Brian O'Driscoll fydd yn arwain y tîm o wyth Gwyddel, pedwar Cymru a thri Sais wrth i'r Llewod geisio adeiladu ar eu buddugoliaeth o 59-8 yn erbyn y Barbariaid.

LLEWOD PRYDAIN AC IWERDDON v. WESTERN FORCE:

15. L.Halfpenny (Cymru)

14. T.Bowe (Iwerddon)

13. B. O'Driscoll (Iwerddon, capten)

12. M.Tuilagi (Lloegr)

11. G.North (Cymru)

10. J.Sexton (Iwerddon)

9. C.Murray (Iwerddon)

1. C.Healy (Iwerddon)

2. R.Best (Iwerddon)

3. D.Cole (Lloegr)

4. A-W.Jones (Cymru)

5. I.Evans (Cymru)

6. T.Croft (Lloegr)

7. S.O'Brien (Iwerddon)

8. J.Heaslip (Iwerddon)

Eilyddion: T.Youngs (Lloegr), M.Vunipola (Lloegr), M.Stevens (Lloegr), G.Parling (Lloegr), T.Faletau (Cymru), B.Youngs (Lloegr), O.Farrell (Lloegr), S.Maitland (Alban).

Mwy Am y Stori Hon

Taith y Llewod 2013

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.