Menyw'n marw wrth ddisgyn o glogwyn

Mwnt, Ceredigion Mae clogwyni a thraethau Mwnt yn boblogaidd gyda thwristiaid

Mae menyw wedi marw mewn digwyddiad ym Mwnt, Ceredigion brynhawn Gwener.

Deellir bod y fenyw wedi disgyn o glogwyn ac wedi marw o anafiadau difrifol.

Dywedodd yr heddlu nad oedd amgylchiadau'r farwolaeth yn amheus.

Bu'r heddlu, gwasanaeth tân, ambiwlans, hofrennydd yr awyrlu, badau achub a thimau gwylwyr y glannau yn bresennol ar y safle am dros saith awr.

Dywedodd Heddlu Dyfed Powys mewn datganiad: "Derbyniodd yr heddlu alwad am tua 1:15pm ddydd Gwener yn gofyn am gymorth ym Mwnt.

"Roedd menyw wedi cwympo o ymyl clogwyn ac wedi disgyn cryn bellter.

"Roedd ein partneriaid o'r gwasanaethau brys eraill yn bresennol.

"Yn anffodus cafodd y fenyw anafiadau angheuol. Does dim amgylchiadau amheus i'r digwyddiad."

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.