Deiseb yn erbyn cau Ysgol John Beddoes

Ysgol John Beddoes Y bwriad yw bod campws Ysgol John Beddoes yn ailagor fel rhan o Ysgol Uwchradd y Drenewydd

Straeon Perthnasol

Fe fydd cefnogwyr ysgol uwchradd ym Mhowys sy'n wynebu cael ei chau yn cyflwyno deiseb ddydd Gwener yn erbyn y bwriad.

Mae Ysgol John Beddoes yn Llanandras mewn mesurau arbennig a'r bwriad yw y bydd yn dod o dan reolaeth ysgol arall 30 milltir i ffwrdd.

Dywedodd Cyngor Powys mai'r cynllun arfaethedig yw cau Ysgol John Beddoes yn Llanandras ar ddiwedd 2013 ac yna ailagor y safle fel campws Ysgol Uwchradd y Drenewydd o dan un pennaeth.

Mae'r cyngor yn mynnu bod angen "gweithredu pendant a phellgyrhaeddol" ac fe ddechreuodd ymgynghori ar y cynllun ddechrau mis Mai ac mae'n para tan Fehefin 2.

Ond bydd y ddeiseb yn cael ei chyflwyno yn Neuadd y Sir Powys i Myfanwy Alexander, deiliad y portffolio addysg ar y cyngor, am 9.30am ddydd Gwener.

Dywedodd Hilary ac Ian Marchant ar ran Cyfeillion Ysgol John Beddoes: "Ddegawd yn ôl fe gafodd Ysgol Uwchradd y Drenewydd ei beirniadu mewn arolwg ond bellach mae'r ysgol wedi troi dalen newydd.

"Felly mae Ysgol Uwchradd y Drenewydd yn enghraifft wych o'r hyn y gellir ei gyflawni pan fo gweledigaeth gan arweinwyr ysgol".

Ychwanegodd y ddau mai'r hyn oedd eu hangen felly oedd uwch reolwyr newydd ar Ysgol John Beddoes.

Dywedodd yr awdurdod fod y Gweinidog Addysg Leighton Andrews wedi awgrymu y dylid cau Ysgol John Beddoes.

Ysgrifennodd Mr Andrews at y cyngor gan ddweud ei fod yn poeni am y cyfleoedd addysgol gwael oedd yn cael eu darparu i bobl ifanc yr ardal.

Wrth i'r ysgol ehangu byddai plant rhwng 11 ac 16 oed yn cael eu haddysgu ar gampws Llanandras.

Cafodd Ysgol John Beddoes ei rhoi o dan fesurau arbennig ym mis Rhagfyr y llynedd ac ym mis Ionawr eleni dywedodd y cyngor y byddai'r ysgol yn cau yn 2014.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.