15 o Gymry yng ngharfan y Llewod

Llewod 2013

Straeon Perthnasol

Fe fydd cynrychiolaeth gref o Gymry yng ngharfan y Llewod fydd yn teithio i Awstralia yn yr haf, gan gynnwys y capten Sam Warburton.

Cafodd y garfan ei chyhoeddi gan reolwr y Llewod, Andy Irvine, yn Llundain fore Mawrth ac mae 15 o garfan Cymru yn aelodau ohoni.

Fe fyddan nhw'n ymuno gyda Rob Howley a Neil Jenkins, aelodau o dîm hyfforddi'r prif hyfforddwr Warren Gatland.

Warburton yw'r capten ieuengaf erioed ar garfan y Llewod, a'r Cymro cyntaf i arwain y garfan ers Phil Bennett yn 1977.

Y gynrychiolaeth fwyaf erioed o Gymru i deithio gyda'r Llewod oedd 18 ar y daith i Seland Newydd yn 1977.

TAITH Y LLEWOD I AWSTRALIA 2013

  • Sad, Mehefin 1 - Barbariaid, Hong Kong
  • Mer. Mehefin 5 - Western Force, Perth
  • Sad. Mehefin 8 - Queensland Reds, Brisbane
  • Mer. Mehefin 12 - Tîm cyfunol New South Wales-Queensland Country, Newcastle
  • Sad, Mehefin 15 - New South Wales Waratahs, Sydney
  • Maw, Mehefin 18 - ACT Brumbies, Canberra
  • Sad. Mehefin 22 - Prawf Cyntaf, Brisbane
  • Maw, Mehefin 25 - Melbourne Rebels, Melbourne
  • Sad. Mehefin 29 - Ail Brawf, Melbourne
  • Sad. Gorffennaf 6 - Trydydd Prawf, Sydney

Roedd y gynrychiolaeth o Gymru, Lloegr (10) ac Iwerddon (9) yn gadarn er na chafodd Jonny Wilkinson ei gynnwys fel yr oedd rhai wedi darogan.

Dim ond tri Albanwr sydd wedi ennill eu lle yn y garfan.

Cafodd rheng ôl gyfan Cymru ei chynnwys ynghyd â Justin Tipuric fel pedwerydd blaenwr rheng ôl ond doedd dim lle i Ryan Jones fel blaenwr amryddawn yn y garfan.

Wedi i'r garfan o 37 gael ei chyhoeddi, cododd Warren Gatland ar ei draed i gyhoeddi mai ei gapten ar gyfer y daith fyddai Sam Warburton.

Roedd o leia' un cwmni bwcis wedi atal betio ar Warburton fel arweinydd y daith ers peth amser.

Mae chwech o olwyr y garfan o Gymru, gyda Dan Biggar y dyn anffodus i beidio ennill ei le.

Doedd dim lle chwaith i James Hook er gwaetha' gobeithion rhai.

Mae'r dewis gan Warren Gatland i gynnwys pac cyfan o Gymru yn y tîm prawf ond fe fydd o leia' un Cymro'n siomedig gan fod pedwar o reng ôl Cymru ymhlith y 37 fydd yn teithio i Awstralia.

Carfan Llewod Prydain ac Iwerddon i deithio Awstralia :-

Olwyr = Leigh Halfpenny (Cymru), Stuart Hogg (Yr Alban), Rob Kearney (Iwerddon), Tommy Bowe (Iwerddon), Alex Cuthbert (Cymru), Sean Maitland (Yr Alban), George North (Cymru), Jonathan Davies (Cymru), Brian O'Driscoll (Iwerddon), Jamie Roberts (Cymru), Manu Tuilagi (Lloegr), Owen Farrell (Lloegr), Jonathan Sexton (Iwerddon), Connor Murray (Iwerddon), Mike Phillips (Cymru), Ben Youngs (Lloegr).

Blaenwyr = Dan Cole (Lloegr), Ciaran Healy (Iwerddon), Gethin Jenkins (Cymru), Adam Jones (Cymru), Matt Stevens (Lloegr), Mako Vunipola (Lloegr), Dylan Hartley (Lloegr), Richard Hibbard (Cymru), Tom Youngs (Lloegr), Ian Evans (Cymru), Richie Gray (Yr Alban), Alun Wyn-Jones (Cymru), Paul O'Connell (Iwerddon), Geoff Parling (Lloegr), Tom Croft (Lleogr), Toby Faletau (Cymru), Jamie Heaslip (Iwerddon), Dan Lydiate (Cymru), Sean O'Brien (Iwerddon), Justin Tipuric (Cymru), Sam Warburton (Cymru; capten).

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.