Llewod: Jenkins yn y tîm hyfforddi

Neil Jenkins Roedd Neil Jenkins hefyd yn rhan o'r tîm hyfforddi yn 2009

Straeon Perthnasol

Mae cyn faswr Cymru Neil Jenkins wedi ymuno â thîm hyfforddi'r Llewod ar gyfer eu taith i Awstralia a Hong Kong yn yr haf.

Roedd Jenkins yn rhan o'r tîm ar daith y Llewod i Dde Affrica yn 2009, ac mae wedi cael ei benodi'n hyfforddwr cicio technegol ar gyfer y daith yn 2013.

Bydd Jenkins yn ymuno gyda hyfforddwr dros dro Cymru, Rob Howley, a'r ddau Sais Andy Farrell a Graham Rowntree fel aelod o dîm hyfforddi Warren Gatland.

Er bod y tîm hyfforddi wedi cael eu cyhoeddi fesul dipyn, fe fydd y garfan lawn yn cael ei chyhoeddi gyda'i gilydd yn Llundain yr wythnos nesaf.

TAITH Y LLEWOD I AWSTRALIA 2013

  • Sad, Mehefin 1 - Barbariaid, Hong Kong
  • Mer. Mehefin 5 - Western Force, Perth
  • Sad. Mehefin 8 - Queensland Reds, Brisbane
  • Mer. Mehefin 12 - Tîm cyfunol New South Wales-Queensland Country, Newcastle
  • Sad Mehefin 15 - New South Wales Waratahs, Sydney
  • Maw. Mehefin 18 - ACT Brumbies, Canberra
  • Sad. Mehefin 22 - Prawf Cyntaf, Brisbane
  • Maw. Mehefin 25 - Melbourne Rebels, Melbourne
  • Sad. Mehefin 29 - Ail Brawf, Melbourne
  • Sad. Gorffennaf 6 - Trydydd Prawf, Sydney

Mae un cwmni bwcis wedi gwrthod derbyn betiau ar Sam Warburton i fod yn gapten ar y daith.

Dywedodd cwmni Ladbrokes eu bod wedi derbyn llif o arian ar Warburton i arwain y daith, ond credir bod Gatland yn ei ystyried fel un o dri dewis posib gyda Brian O'Driscoll a Paul O'Connell o Iwerddon.

Mae ambell un hefyd wedi darogan y bydd mwy o Gymry nag erioed yn y garfan.

Dywedodd cyn faswr Cymru Stephen Jones y gallai Gatland gynnwys mwy na 15 o garfan Cymru i deithio gyda'r Llewod yn dilyn eu buddugoliaeth ym mhencampwriaeth y Chwe Gwlad yn 2013.

Bydd y daith bum wythnos yn dechrau gyda gêm yn erbyn y Barbariaid yn Hong Kong ar Fehefin 1 cyn symud i Awstralia.

Fe fydd y Llewod wedyn yn chwarae chwe gêm baratoadol cyn y prawf cyntaf yn erbyn Awstralia yn Brisbane ar Fehefin 22.

Wythnos yn ddiweddarach daw'r ail brawf ym Melbourne cyn y prawf olaf yn Sydney ar Orffennaf 6.

Sgoriodd Jenkins, sy'n 41 oed, dros 1,000 o bwyntiau dros Gymru, ac roedd ei gicio'n rhan bwysig o fuddugoliaeth y Llewod ar eu taith i Dde Affrica yn 1997.

Wrth gyhoeddi'r penodiad, dywedodd Warren Gatland: "Yn ystod ei yrfa roedd Neil yn giciwr dylanwadol dros ben o'i ddwylo ac at y pyst, a bu'n gweithio fel hyfforddwr yn y maes pwysig yma gyda Chymru'n ddiweddar.

"Mae cicio tactegol - pryd i gicio a sut i gicio - ac wrth gwrs cicio cywir at y pyst yn hanfodol er mwyn cael llwyddiant ar y cae yn Awstralia, ac mae gan Neil wybodaeth eang iawn fydd ond yn llesol i'r chwaraewyr."

Mwy Am y Stori Hon

Straeon Perthnasol

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.