Asbestos: £1m i atgyweirio ysgol

Ysgol Uwchradd Cwmcarn Mae'r gwaith yn golygu y gall yr ysgol fod yn barod i'w hailagor ym mis Medi eleni

Straeon Perthnasol

Bydd tua £1 miliwn yn cael ei wario ar ysgol a gafodd ei chau'n ddisymwth oherwydd pryderon am risg asbestos i'r 900 o ddisgyblion.

Mae cynghorwyr yng Nghaerffili wedi cytuno i dalu am y gwaith i gael gwared â'r asbestos ac ar ystafelloedd dosbarth dros dro yn Ysgol Uwchradd Cwmcarn.

Clywodd cyfarfod arbennig y gallai hyn olygu y bydd y disgyblion yn dychwelyd i'r safle ar gyfer y flwyddyn ysgol nesaf ym mis Medi eleni.

Ers i'r ysgol gau yn Hydref 2012, mae'r disgyblion wedi cael eu haddysg ar gampws Glyn Ebwy o Goleg Gwent 12 milltir i ffwrdd, gan arwain at brotestio gan rieni.

Ym mis Chwefror eleni, gorymdeithiodd cannoedd o bobl drwy Cwmcarn yn galw am ailagor yr ysgol.

Dau ddewis

Yn eu cyfarfod ddydd Mercher, fe gymeradwyodd y cynghorwyr gynllun i wario £300,000 ar osod ystafelloedd dosbarth dros dro ar y safle gwreiddiol, a £700,000 i adfer yr hen adeiladau.

Amcangyfrifir y bydd cyfanswm y gost yn £1.05 miliwn, ac mae contractwyr wedi dweud wrth yr awdurdod y gallai'r gwaith gael ei gwblhau mewn pryd i ailagor yr ysgol ym Medi 2013.

Dyna oedd un o ddau ddewis i'r cynghorwyr - y llall oedd gyrru disgyblion Bl.7-9 i Ysgol Gyfun Gymunedol Rhisga, Bl.10-11 i Ysgol Gyfun Pontllanfraith a'r chweched dosbarth i Goleg Gwent wrth i'r cyngor wneud penderfyniad ar ddyfodol ysgolion y sir.

Fe fyddai'r dewis yna wedi costio £300,000, ond fe gafodd ei ddiystyru oherwydd yr effaith y gallai'r symud gael ar y disgyblion.

Cafodd Ysgol Uwchradd Cwmcarn ei chau wedi i adroddiad ganfod bod asbestos yn yr adeilad yn beryglus.

Ond yn Chwefror eleni, dywedodd adroddiad arall gan y Gweithgor Iechyd a Diogelwch nad oedd heintio asbestos ar y safle.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.