'Poblogeiddio'r system les'

Y Mesur Diwygio Lles yw'r newid mwya' yn y drefn fudd-daliadau ers y 1940au. Y Mesur Diwygio Lles yw'r newid mwya' yn y drefn fudd-daliadau ers y 1940au.

Straeon Perthnasol

Mae'r Blaid Lafur yn awgrymu y dylai taliadau o fewn y system les fod yn gysylltiedig â chyfraniadau treth unigolion.

Mae'r blaid yn credu y byddai hyn yn poblogeiddio'r system.

Mae'r Prif Weinidog David Cameron yn dweud bod y newidiadau sydd wedi'u cyflwyno gan ei lywodraeth yn "adfer ymdeimlad o degwch".

Daeth newidiadau i'r drefn fudd-daliadau, gan gynnwys gostwng budd-daliadau tai i bobl â stafell wely sbâr a newid trefn cymhorthdal treth y cyngor, i rym ar Ebrill 1.

'Cyfrannu i'w cymunedau'

Ond mewn erthygl ym mhapur newydd yr Observer, dywedodd llefarydd y Blaid Lafur ar waith a phensiynau Liam Byrne, bod llawer o bobl "yn teimlo eu bod yn talu llawer mwy i mewn nag y maen nhw fyth yn cael allan".

Dywedodd yn ogystal y dylai "pobl sy'n gweithio ac yn cyfrannu i'w cymunedau" gael blaenoriaeth o ran tai cymdeithasol.

Y Mesur Diwygio Lles yw'r newid mwya' yn y drefn fudd-daliadau ers y 1940au.

Dywedodd Llywodraeth San Steffan fod cymdeithas yn diodde' pan oedd rhai'n cael mwy o arian i fod yn ddi-waith.

Ond dywedodd y llywodraeth fod y newidiadau'n "deg ac yn angenrheidiol".

Yn ôl llefarydd ar ran yr Adran Gwaith a Phensiynau: "Mae'n annheg fod hawlwyr budd-dal yn derbyn mwy o incwm na theuluoedd sy'n gweithio ..."

Yng Nghymru mae Huw Lewis, y Gweinidog Cymunedau a Thaclo Tlodi, wedi dweud y bydd effaith y newidiadau a ddaeth i rym ar Ebrill 1 "ar gymunedau drwy Gymru'n niweidiol iawn".

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.