Gethin Jenkins yn gapten yn lle Sam Warburton

Gethin Jenkins Bydd Cymru angen o leia' saith pwynt yn erbyn Lloegr i ennill y bencampwriaeth.

Straeon Perthnasol

Gethin Jenkins sy'n arwain Cymru ym Mhencampwriaeth y Chwe Gwlad ddydd Sadwrn gan fod Ryan Jones wedi'i anafu.

Nid yw Ryan Jones ar gael ar gyfer y gêm yn Stadiwm y Mileniwm yn erbyn Lloegr ar ôl anafu ei ysgwydd yn y fuddugoliaeth dros Yr Alban ddydd Sadwrn.

Bydd Cymru angen o leia' saith pwynt yn erbyn Lloegr i ennill y bencampwriaeth.

Ond mae rhai'n synnu mai Gethin Jenkins gafodd ei ddewis yn gapten nid Sam Warburton.

Roedd y sylwebydd a chyn-flaenasgellwr Cymru, Martyn Williams, wedi dweud mai Alun Wyn Jones ddylai arwain Cymru.

Warburton

Roedd y clo Alun Wyn Jones a Warburton wedi dechrau yn erbyn Yr Albanwyr a chafodd Warburton ei enwi'n seren y gêm yn y fuddugoliaeth o 28 i 18 ym Murrayfield.

Er bod Warburton wedi dychwelyd, parhaodd Ryan Jones yn gapten wedi iddo arwain y tîm yn erbyn Ffrainc a'r Eidal.

Wedi i Loegr guro'r Eidal yn Twickenham o 18-11 ddydd Sul byddai buddugoliaeth yn erbyn Cymru yn sicrhau Camp Lawn iddyn nhw - y gynta' mewn degawd.

Ond petai Cymru'n ennill o wyth pwynt neu fwy a sicrhau eu bod yn sgorio mwy o geisiau na Lloegr yn y bencampwriaeth, tîm Rob Howley fydd yn ennill y bencampwriaeth.

Bydd ennill o saith pwynt yn golygu bod Cymru'n ennill y bencampwriaeth oherwydd mwy o geisiau.

Os yw Lloegr yn cael dau neu fwy o geisiau, bydd Cymru a Lloegr yn rhannu'r teitl.

Cymru: Leigh Halfpenny (Gleision); Alex Cuthbert (Gleision), Jonathan Davies (Scarlets), Jamie Roberts (Gleision), George North (Scarlets); Dan Biggar (Gweilch), Mike Phillips (Bayonne); Gethin Jenkins (capt, Toulon), Richard Hibbard (Gweilch), Adam Jones (Gweilch), Alun Wyn Jones (Gweilch) Ian Evans (Gweilch), Sam Warburton (Gleision), Justin Tipuric (Gweilch), Toby Faletau (Dreigiau).

Eilyddion: Ken Owens (Scarlets), Paul James (Caerfaddon), Scott Andrews (Gleision), Andrew Coombs (Dreigiau), Aaron Shingler (Scarlets), Lloyd Williams (Gleision), James Hook (Perpignan), Scott Williams (Scarlets).

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.