Dyn 22 oed yn euog o ddynladdiad

Thomas Sutton Roedd Thomas Sutton yn 20 oed

Straeon Perthnasol

Yn Llys y Goron Caerdydd cafwyd dyn yn ddieuog o lofruddio dyn arall ym Maesteg.

Ond cafwyd Stuart Worvell, 22 oed, yn euog o ddynladdiad Thomas Sutton gafodd ei drywanu naw gwaith.

Fe'i cafwyd yn ddieuog o geisio llofruddio Kyle Harris, 18 oed.

Bydd yn cael ei ddedfrydu'n ddiweddarach.

Dywedodd y Ditectif Brif Arolygydd Steve Benson-Davidson: "Heddiw rydym yn meddwl am deulu, perthnasau a ffrindiau Thomas Sutton sy'n gobeithio yn cael rhywfaint o gysur oherwydd penderfyniad y rheithgor.

"Roedd y digwyddiad hwn yn drychinebus achosodd ysgytwad a thristwch yn y gymuned.

"Ar ran yr heddlu, fe hoffwn ddiolch i''r gymuned am eu cefnogaeth yn ystod yr ymchwil - ac i dystion yr erlyniad."

Clywodd y llys fod y diffynnydd yn gwrando ar gerddoriaeth yn y bath pan glywodd rywun yn curo drws y ffrynt.

Roedd Thomas Sutton yn meddwl bod parti yn y tŷ ond pan agorodd y diffynnydd y drws trywanodd Mr Sutton naw gwaith â chyllell gegin.

Amddiffyn

Wedyn trywanodd Kyle Harris oedd wedi ceisio achub ei ffrind.

Yn y llys honnodd y diffynnydd ei fod wedi ceisio amddifyn ei hun am fod y ddau o'r Caerau wedi ceisio ei fwrw â darnau o bren.

Dywedodd Mr Harris wrth y llys nad oedd yn cofio'n iawn beth ddigwyddodd y noson dan sylw ond bod y ddau wedi galw yn y tŷ am fod angen sigarét.

Wedyn, meddai, roedd sgwrs rhwng Mr Sutton a'r diffynnydd.

Pan gafodd ei holi gan yr erlynydd Greg Taylor QC, dywedodd nad oedd y ddau'n cario arfau.

Disgrifiodd yr hyn ddigwyddodd pan welodd y gyllell.

"Roedd yn hir ... alla i ddim cofio'n iawn ... cafodd Thomas ei frifo ... roedd yn gweiddi ..."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.