Cynnydd o 15% yn y gwartheg gafodd eu difa oherwydd y diciau

Buwch 15% o gynnydd yn nifer y gwartheg gafodd eu difa oherwydd diciâu

Straeon Perthnasol

Cafodd 9,307 o wartheg eu difa yng Nghymru yn ystod 2012 oherwydd y diciâu, yn ôl ystadegau newydd.

Mae'r ystadegau - a gafodd eu cyhoeddi gan Adran Materion Gwledig Llywodraeth San Steffan ddydd Mercher - yn golygu cynnydd o 15% ers 2011 a 22% ers 2010.

Dywedodd Undeb NFU Cymru fod yr ystadegau'n profi bod y diciâu'n "un o'r bygythiadau mwyaf i ffermwyr llaeth a chig eidion".

"Cafodd yr ystadegau eu cyhoeddi er gwaethaf y ffaith bod ffermwyr Cymru yn glynu wrth reolaeth lem iawn," meddai'r undeb.

Dywedodd dirprwy lywydd yr undeb, Stephen James, fod ffermwyr wedi colli dros 48,000 o wartheg dros y pum mlynedd ddiwethaf.

Dileu'r afiechyd

"Mae'r ffigyrau yn dangos na fydd y polisi taclo'r afiechyd ymhlith poblogaeth bywyd gwyllt yn dileu'r afiechyd yn llwyr o gefn gwlad wrth iddo barhau i gynyddu.

"Fe ddylai'r ystadegau fod yn alwad i Lywodraeth Cymru fod angen gweithredu drwy reoli moch daear drwy bolisi gwyddonol yn hytrach na pholisi o frechu."

Gofynnwyd am ymateb Llywodraeth Cymru.

Dywedodd Antoinette Sanbach, llefarydd y Ceidwadwyr ar faterion gwledig: "Mae'r cynnydd yng Nghymru ddwywaith yn fwy na'r un yn Lloegr.

"Difa ydi'r unig ffordd sydd wedi ei brofi i daclo'r sefyllfa ond eto mae hyn wedi ei wrthod gan weinidogion Llafur am resymau gwleidyddol nid gwyddonol."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.