Gohirio achos Ian Watkins o'r Lostprophets

Ian Watkins Mae disgwyl i Ian Watkins ymddangos yn y llys ym mis Mai

Straeon Perthnasol

Mae gwrandawiad yn achos prif leisydd y band roc Lostprophets, sy'n ymwneud â chyhuddiadau o droseddau rhywiol gyda phlentyn, wedi ei ohirio am ddau fis.

Fe fydd Ian Watkins, 35, o Bontypridd, yn ymddangos mewn gwrandawiad yn Llys y Goron Caerdydd ym mis Mai.

Mae Mr Watkins wedi ei gyhuddo o gynllwynio i wneud gweithred rywiol gyda phlentyn dan 13 oed a phedwar cyhuddiad o fod â lluniau anweddus o blant yn ei feddiant ac o'u dosbarthu.

Mae'r troseddau'n ymwneud â chyfnod rhwng Mai 2012 a Rhagfyr 2012.

Cafodd dynes 24 oed ei chyhuddo o'r un cyhuddiadau â Mr Watkins, ac mae dynes 20 oed wedi cael ei chyhuddo o'r pum cyhuddiad ond nid o gynllwynio i dreisio.

"Mae Mr Watkins yn gwadu'n llwyr y cyhuddiadau a'r honiadau a wnaed," meddai datganiad gan ei gyfreithiwr, Sarah Williams-Martin.

"Mae'n bwriadu ymladd hyd yr eithaf ac mae'n ddiolchgar i'w gefnogwyr, teulu a ffrindiau am y gefnogaeth a dderbyniodd ac y mae'n dal i'w dderbyn yn ystod y cyfnod anodd yma."

Cyhoeddwyd ddydd Llun y bydd yr achos yn dechrau ar Orffennaf 15 ac mae disgwyl iddo bara tair wythnos.

Mwy Am y Stori Hon

Straeon Perthnasol

Gwleidyddiaeth

Pigion

  • BBC Cymru FywGwasanaeth newydd BBC Cymru Fyw

    Mae BBC Cymru yn gwneud newidiadau i'r wefan hon wrth i wasanaeth ar-lein newydd o'r enw BBC Cymru Fyw gael ei lansio.


  • Hel achau ym MangorCyfle i hel achau ym Mhrifysgol Bangor

    Gall unrhyw un sy'n ymchwilio i hanes eu teulu gael mynediad at gronfa ddata helaeth o gofnodion yn Archifau Prifysgol Bangor.


  • Minci AmericanaiddPwy sydd wedi gweld minc?

    Cadwriaethwyr yn galw am gymorth y cyhoedd wrth geisio lleihau nifer y mincod Americanaidd er mwyn gwarchod anifail prin.


  • Portread o William ShakespeareShakespeare: 'Gwedd wahanol' i Gymru?

    A ddylid addasu Shakespeare i'r Gymraeg? Mae arbenigwyr yn rhannu eu barn wrth i'r dathliadau swyddogol ddechrau i nodi 450 o flynyddoedd ers geni'r bardd.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.