Lladd-dy: Achub 70 o swyddi?

Welsh Country Foods Mae hyd at 300 o swyddi dan fygythiad

Straeon Perthnasol

Mae'n bosib' y gallai rheolwyr lladd-dy ar Ynys Môn achub swyddi.

Y disgwyl yw y bydd safle Welsh Country Foods yn Y Gaerwen yn cau yn Ebrill ac mae hyd at 300 o swyddi dan fygythiad.

Yn ôl y rheolwyr, mae eu cais nhw wedi ei gyflwyno ond yn dibynnu ar sicrhau trefniadau ariannol.

Petai'r cais yn llwyddiannus, medden nhw, fe fyddai modd achub hyd at 70 o swyddi.

Dywedodd y cyfarwyddwr safle, Eddie Ennis, fod y cwmni o'r Iseldiroedd, Vion, yn ystyried eu cynnig.

"Os yw'r safle ar agor efallai y bydd modd ailadeiladu'r busnes.

"Bydd penderfyniad erbyn diwedd yr wythnos nesa'. Dwi'n weddol obeithiol, mae digon o gefnogaeth."

Mae Llywodraeth Cymru wedi rhoi "cynnig sylweddol" i ddatblygu'r safle ac wedi dweud y byddai modd estyn hyn i berchennog newydd.

Dywedodd arweinydd y cyngor, Bryan Owen, y byddai dirprwyaeth yn cyfarfod ag Edwina Hart, y Gweinidog Busnes, yr wythnos nesa'.

Mwy Am y Stori Hon

Straeon Perthnasol

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.