9 Mawrth 2013 Diweddarwyd 11:56

Coffáu sefydlu mudiad iaith

Gareth Miles Ymhlith y siaradwyr roedd un o'r sylfaenwyr, Gareth Miles

Straeon Perthnasol

Mae plac wedi ei ddadorchuddio er mwyn coffáu sefydlu mudiad iaith 50 mlynedd yn ôl.

Roedd y seremoni am 11am yn yr Institiwt ym Mhontarddulais a'r siaradwyr oedd Robin Farrar, cadeirydd Cymdeithas yr Iaith, un o sylfaenwyr y mudiad, Gareth Miles, a'r Cynghorydd Eifion Davies.

Yno hefyd roedd Heulwen Beasley, aelod o'r teulu enwog o Langennech.

Cafodd Cymdeithas yr Iaith ei sefydlu yn Ysgol Haf Plaid Cymru ym Mhontarddulais yn Awst 1962 wedi araith Tynged yr Iaith rybuddiodd y byddai'r iaith Gymraeg yn marw cyn diwedd yr ugeinfed ganrif os na fyddai dulliau chwyldroadol.

Dywedodd Mr Farrar: "Mae 50 mlynedd o ymgyrchu wedi arwain at ryw fath o ddyfodol i'r iaith ond yr her yw sicrhau ei bod hi'n iaith fyw yn ein cymunedau ni.

"Mae canlyniadau'r Cyfrifiad wedi dangos argyfwng yr iaith."

Y dadorchuddio oedd yr ola' mewn cyfres o ddigwyddiadau i goffáu 50 mlynedd er sefydlu'r mudiad.

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2013 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.