Yr Alban 18-28 Cymru

Cymru Dyma drydedd buddugoliaeth Cymru yn y bencampwriaeth

Straeon Perthnasol

Mae Cymru wedi maeddu'r Alban o 28-18.

Hon oedd pumed fuddugoliaeth Cymru oddi cartre', y tro cynta' erioed.

Yn y 10 mlynedd ddiwetha' dim ond dwywaith mae Cymru wedi colli ym Murrayfield, y tro diwetha' yn 2007.

Uchafbwynt yr hanner cynta' oedd cais Richard Hibbard wedi bylchiad hyfryd George North. 8-6 i Gymru.

Methodd Leigh Halfpenny dair cic gosb cyn llwyddo.

Ar yr egwyl roedd Cymru ar y blaen o drwch blewyn, 13-12, ond ar y cyfan, doedd dim awch na siâp yn y gêm ac roedd y cicio dibaid yn ei sbwylio.

Chwalu

Yn yr ail hanner roedd chwarae'r Alban yn ddifflach ac yn geidwadol ond er bod Cymru'n cael digon o feddiant, doedd eu strwythur ymosodol yn aml ddim yn ddigon da.

Serch hynny, roedden nhw'n chwalu'r sgrym ac Adam Jones yn flaenllaw.

Sam Warburton Chwaraewr y gêm: Sam Warburton

Er gwaetha' pwysau'r Alban yn y munudau ola' roedd amddiffyn Cymru'n gadarn ond cafodd Paul James gerdyn melyn.

Cyn y gêm dywedodd hyfforddwr dros dro Cymru, Rob Howley: "Rydym wedi cael dwy fuddugoliaeth galed oddi cartref ond rydym yn gwybod y bydd rhaid i ni fod ar ein gorau i adael Murrayfield gyda'r pwyntiau.

"Rydym wedi sôn am fomentwm yn aml yn y bencampwriaeth ac mae'n braf cael mynd i'r gêm gyda dwy fuddugoliaeth y tu cefn i ni.

"Ond mae'r Alban yn yr un sefyllfa ac mae'n mynd i fod yn her."

Mwy Am y Stori Hon

Straeon Perthnasol

Gwleidyddiaeth

Pigion

  • BBC Cymru FywGwasanaeth newydd BBC Cymru Fyw

    Mae BBC Cymru yn gwneud newidiadau i'r wefan hon wrth i wasanaeth ar-lein newydd o'r enw BBC Cymru Fyw gael ei lansio.


  • Hel achau ym MangorCyfle i hel achau ym Mhrifysgol Bangor

    Gall unrhyw un sy'n ymchwilio i hanes eu teulu gael mynediad at gronfa ddata helaeth o gofnodion yn Archifau Prifysgol Bangor.


  • Minci AmericanaiddPwy sydd wedi gweld minc?

    Cadwriaethwyr yn galw am gymorth y cyhoedd wrth geisio lleihau nifer y mincod Americanaidd er mwyn gwarchod anifail prin.


  • Portread o William ShakespeareShakespeare: 'Gwedd wahanol' i Gymru?

    A ddylid addasu Shakespeare i'r Gymraeg? Mae arbenigwyr yn rhannu eu barn wrth i'r dathliadau swyddogol ddechrau i nodi 450 o flynyddoedd ers geni'r bardd.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.