Dinas diwylliant: Cefnogi Caer?

Canol dinas Caer Mae gobaith y gallai busnesau yng ngogledd Cymru elwa petai Caer yn Ddinas Diwylliant yn 2017

Straeon Perthnasol

Mae'n bosib y bydd un o sefydliadau twristiaeth y gogledd yn cefnogi cais o Loegr yn y ras i fod yn Ddinas Diwylliant y DU yn 2017.

Dywedodd pennaeth twristiaeth y byddai cais dinas Caer yn arwain at fanteision i fusnesau yn y gogledd.

Ond byddai hynny'n golygu cystadlu yn erbyn Bae Abertawe, sydd hefyd wedi mynegi diddordeb.

Mae'r cais hwnnw yn cynnwys ardaloedd Abertawe, Sir Gaerfyrddin, Castell-nedd a Phort Talbot.

Dywedodd Esther Roberts, o Dwristiaeth Gogledd Cymru, y bydden nhw'n cefnogi Caer os bydd ar y rhestr fer.

"Byddwn yn cefnogi'r cais yn gryf os yw hynny'n digwydd.

"Byddai'n beth da i'r gogledd. Rydym am annog pobl sy'n mynd i Gaer i groesi'r ffin ac ymweld â'r gogledd ddwyrain a lleoedd fel Eryri ac Ynys Môn."

"Ond byddai'n dda o safbwynt bod un ai Caer neu Bae Abertawe yn llwyddo i ennill."

Mis Tachwedd

Mae disgwyl i Gyngor Dinas Caer gyflwyno cais mwy manwl cyn hir.

Ym Mehefin bydd rhestr fer yn cael ei chyhoeddi a'r Adran Ddiwylliant, Cyfryngau a Chwaraeon yn cyhoeddi'r enillydd erbyn diwedd Tachwedd.

Mae 11 o ddinasoedd, trefi ac ardaloedd wedi mynegi diddordeb yn y gystadleuaeth.

Y gweddill yw Aberdeen, Dundee, Dwyrain Caint, Hastings a Bexhill on Sea, Hull, Caerlŷr, Plymouth, Portsmouth a Southampton, a Southend on Sea.

Dywedodd y gweinidog Ed Vaizey: "Bydd yr enillydd yn elwa'n economaidd ac yn gymdeithasol."

Mae llefarydd ar ran Cyngor Abertawe wedi dweud: "Rydyn ni wedi mynegi diddordeb ac yn anelu at gyflwyno cynnig posib' erbyn diwedd Ebrill."

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.