Bonnie yn Eurovision

Bonnie Tyler Bydd Bonnie yn canu cân o'r enw 'Believe in Me'

Y Gymraes Bonnie Tyler fydd yn cynrychioli'r Deyrnas Unedig yng nghystadleuaeth Eurovision eleni.

Fe fydd Bonnie, o Sgiwen ger Castell-nedd, yn canu cân o'r enw Believe in Me ym Malmo yn Sweden ym mis Mai.

Dywedodd y gantores, sydd fwyaf adnabyddus am y gân Total Eclipse of The Heart, ei fod "yn fraint" i gael ei gofyn i gynrychioli'r DU yn y gystadleuaeth sy'n cael ei llwyfannu am y 58fed tro eleni.

Bydd hi'n perfformio'r gân Believe in Me o flaen 120 miliwn o wylwyr yn Malmo, Sweden ar Fai 18.

Mary Hopkin

"Rwy'n addo gwneud fy ngorau glas," dywedodd mewn datganiad.

"Mae'n fraint i gynrychioli'r DU gyda chân mor wych."

Cafodd y gân ei chyfansoddi gan Lauren Christy a Christopher Braide o Brydain a Desmond Child o America.

"Mae Bonnie Tyler yn seren fyd enwog gyda llais anhygoel," meddai Katie Taylor, Pennaeth adran Adloniant a Chelfyddydau'r BBC.

Cyrhaeddodd cân gyntaf Bonnie Tyler, Lost in France, rhif 9 yn siartiau'r DU yn 1976 ac fe gafodd llwyddiant gyda'r gân It's a Heartache flwyddyn yn ddiweddarach.

Aeth Total Eclipse of The Heart i frig y siartiau ym Mhrydain ym 1983 a chyrhaeddodd Holding Out for a Hero rhif 2 flwyddyn yn ddiweddarach.

Mae Tyler yn gobeithio bod yr ail Gymraes i ennill cystadleuaeth Eurovision.

Bu Nicky Stevens o Gaerfyrddin yn rhan o'r grŵp Brotherhood of Man wnaeth ennill y gystadleuaeth ym 1976.

Fe ddaeth y gantores o Bontardawe, Mary Hopkin, yn ail gyda'r gân Those Were the Days ym 1970.

Engelbert Humperdinck gynrychiolodd y DU y llynedd, gan ddod yn olaf ond un.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.