Abertawe i gynnig am Ddinas Diwylliant?

Abertawe Dywedodd Cyngor Abertawe eu bod wedi "mynegi diddordeb"

Straeon Perthnasol

Mae'r Adran Ddiwylliant, Cyfryngau a Chwaraeon wedi cyhoeddi bod 11 o ddinasoedd, trefi ac ardaloedd wedi dangos diddordeb mewn gwneud cais i fod yn Ddinas Diwylliant y DU yn 2017.

Ymhlith yr 11 mae Bae Abertawe - sy'n cynnwys ardaloedd Abertawe, Sir Gaerfyrddin, Castell-nedd a Phort Talbot.

Y gweddill yw Aberdeen, Caer, Dundee, Dwyrain Caint, Hastings a Bexhill on Sea, Hull, Caerlŷr, Plymouth, Portsmouth a Southampton, a Southend on Sea.

Dywedodd y gweinidog Ed Vaizey: "Mae hyn yn newyddion gwych, yn dangos faint o ddiddordeb sydd yn y gystadleuaeth hon.

"Bydd yr enillydd yn elwa'n economaidd ac yn gymdeithasol."

Mae angen i geisiadau gael eu cyflwyno erbyn Ebrill 30.

Ym Mehefin bydd rhestr fer yn cael ei chyhoeddi.

Dywedodd Phil Redmond, cadeirydd y panel ymgynghorol annibynnol: "Bydd ennill y gystadleuaeth yn golygu newidiadau yn y ddinas neu'r dref dan sylw ac rwy'n edrych ymlaen at y cynigion."

Dywedodd llefarydd ar ran Cyngor Abertawe: "Rydyn ni wedi mynegi diddordeb ac yn anelu at gyflwyno cynnig posib' erbyn diwedd Ebrill."

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.