Gwarchodfa natur newydd yn y canolbarth

Coetir Gregynog Penderfynwyd dynodi Gregynog oherwydd y clytwaith o dir parc a choetiroedd hynafol sy'n amgylchynu'r neuadd

Straeon Perthnasol

Mae Cyngor Cefn Gwlad Cymru wedi cyhoeddi mai Gregynog ger Y Drenewydd yw Gwarchodfa Natur Genedlaethol ddiweddaraf Cymru.

Neuadd wledig fawr ym mhentref Tregynon ger Y Drenewydd yw Gregynog.

Prifysgol Cymru sy'n berchen arni, ac mae wedi'i hamgylchynu gan 750 hectar o dir.

Bydd y warchodfa'n cael ei dynodi gan y Cyngor Cefn Gwlad (CCG) mewn digwyddiad arbennig am 11am Ddydd Mercher.

'Coetiroedd hynafol'

Dywed y CCG fod dynodi'r safle'n Warchodfa Natur Genedlaethol yn 'cadarnhau bod ystâd Gregynog ymhlith safleoedd pwysicaf Cymru o safbwynt tir parc a choed pori, coed hynafol, a chennau, pryfed a bywyd gwyllt arall rhyngwladol bwysig a gaiff eu cynnal gan y cynefinoedd prin yma'.

Dywedodd Dr Maggie Hill, Cyfarwyddwr Rhanbarth De a Dwyrain Cymru o fewn y CCG: "Penderfynwyd dynodi Gregynog oherwydd y clytwaith cyfoethog o dir parc a choetiroedd hynafol sy'n amgylchynu'r neuadd.

"Yng Ngregynog y mae un o'r enghreifftiau mwyaf yng Nghymru o goetir hynafol - 'Y Goedwig Fawr', fel y mae'n cael ei galw.

"Mae ambell dderwen yma'n dyddio'n ôl 350 o flynyddoedd a mwy.

"Ond nid y coed eu hunain yw'r unig elfennau pwysig. Yn wir, mae cennau prin yn gorchuddio rhisglau ceinciog y coed derw a'r coed ynn.

Llwybr troed

"Lecanora sublivescens yw un o'r cennau yma, y mae modd dod o hyd iddo ar foncyffion sydd yn llygad yr haul.

"Dyma rywogaeth anfynych drwy'r byd i gyd - dim ond yn y fan yma yn y DU ac yn ne Sweden y gwyddom am enghreifftiau."

Ymhellach, mae'r pryfetach yn gwneud ystâd Gregynog yn lle arbennig iawn i fywyd gwyllt, gyda larfau nifer o chwilod a phryfed yn byw ym mhren marw a phydredig y coed mawr a'r coed marw sydd naill ai wedi syrthio neu sy'n dal i fod ar eu sefyll.

Mae dynodi'r safle'n Warchodfa Natur Genedlaethol hefyd yn tynnu sylw at y ffaith fod Gregynog yn rhywle y gall y cyhoedd fynd iddo i fwynhau cefn gwlad.

Ceir sawl llwybr troed drwy'r tir parc.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.