Gweilch: Dim arian i ddenu chwaraewyr a chryfhau’r garfan

Kahn Fotuali'i Bydd Kahn Fotuali'i yn gadael Y Gweilch ar ddiwedd y tymor ac ymuno gyda Northampton

Straeon Perthnasol

Mae'r Gweilch wedi cyfadde' na fyddan nhw mewn sefyllfa i ddenu chwaraewyr yn ystod yr haf.

Y Gweilch yw pencampwyr presennol y Pro12.

Nhw ydi'r rhanbarth mwya' llwyddiannus yn y bencampwriaeth ar ôl ennill y teitl bedair gwaith.

Ond dywedodd hyfforddwr y rhanbarth, Jonathan Humphreys na fydd modd cryfhau'r garfan.

Fe fydd y mewnwr dylanwadol Kahn Fotuali'i yn gadel i ymuno â Northampton ddiwedd y tymor a dim arian i brynu chwaraewyr newydd.

Mae gobeithion y tîm hyfforddi yn isel.

"Fe fydden ni wrth ein bodd yn gwario arian dros yr haf, ond does 'na ddim," meddai Humphreys.

"Does 'na ddim arian ac mae'n dod o sawl ffactor gan gynnwys y ffaith mai ni sy'n cael y cyllid lleiaf.

"Does dim ceiniog ar gael i gryfhau'r garfan."

Symud y Chwe Gwlad

Gyda Fotuali'i yn gadael yn yr haf mae'n dilyn nifer o chwaraewyr sydd wedi mynd dros y tymhorau diwethaf o Stadiwm Liberty gan gynnwys Paul James, Tommy Bowe, Nikki Walker, James Hook, Mike Phillips, Lee Byrne, Jerry Collins a Marty Holah.

Ychwanegodd Humphreys fod colli chwaraewyr rhyngwladol yn ystod gemau'r Hydref a Phencampwriaeth y Chwe Gwlad yn bryder i'r rhanbarth.

Mae cyn-gapten Cymru yn awgrymu cam radical i symud Pencampwriaeth y Chwe Gwlad yn benodol i ddiwedd y tymor.

"Dwi ddim yn gweld y sefyllfa yn gwella ac mae'n bryder," ychwanegodd Humphreys.

"Os ydi'r tymor yn aros fel ag y mae, mae'n bosib mai rhyw 10 gêm y tymor y mae'r chwaraewyr rhyngwladol yn ei gael i'r rhanbarth, a ni sy'n talu'r cyflog.

"Mae'n gwneud mwy o synnwyr iddo fod ar ddiwedd y bencampwriaeth.

"Rydym angen y chwaraewyr i chwarae i ni ac mae 'na beth wmbreth o rygbi i'w chwarae tra'u bod ar ddyletswydd ryngwladol."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.