Dinas yn dathlu gyda Chlwb Pêl-Droed Abertawe

Bws Clwb Pêl Droed Abertawe Cafodd y 33,000 o gefnogwyr oedd yn Wembley a miloedd mwy barhau i ddathlu llwyddiant Yr Elyrch

Straeon Perthnasol

Ymgasglodd filoedd o gefnogwyr Yr Elyrch yng nghanol Abertawe brynhawn Mawrth i ddathlu camp y pêl-droedwyr enillodd Gwpan y Gynghrair dros y penwythnos.

Yn Wembley ddydd Sul fe wnaeth Abertawe ennill y gwpan drwy guro Bradford City o 5-0.

Ym mlwyddyn canmlwyddiant y clwb roedd 'na gryn ddathlu wrth i'r tîm orymdeithio drwy'r ddinas gyda'r Gwpan.

Abertawe yw'r clwb cyntaf o Gymru i ennill y gwpan.

Mae'n golygu y bydd tîm Michael Laudrup yn chwarae yn Ewrop y tymor nesaf.

'Diolchgar'

Dechreuodd yr orymdaith ar fws agored o ganol y ddinas, o flaen gwesty'r Ddraig ar Ffordd y Brenin cyn teithio tuag at Ffordd y Gorllewin, ymlaen ar hyd Heol San Helen cyn dod i ben yn Neuadd y Ddinas.

Mae'r tîm, rheolwyr a staff y clwb hefyd yn mynychu digwyddiad yn Neuadd y Ddinas nos Fawrth.

Nicola Squires gyda'i phlant Elle, 11, Drew, saith oed a Darci, pump oed Bu'r teulu Squires ymysg y rheiny ymgasglodd i ddathlu llwyddiant y clwb

Dywedodd capten y tîm a gurodd Bradford City Ddydd Sul, Ashley Williams: "Mae nifer o gefnogwyr wedi bod yn dilyn y clwb ers blynyddoedd gan brofi amseroedd caled.

"Ond yn awr fe allan nhw ddathlu ac rwy'n sicr bod pawb yn mwynhau'r llwyddiant."

Roedd y teulu Squires ymysg y rheiny wnaeth ymgasglu i ddathlu llwyddiant y clwb.

Dywedodd Nicola Squires ei bod wedi bod yn awyddus i'w tri phlentyn i weld yr orymdaith.

"Mae hwn yn brofiad gwych i'r plant," meddai.

Cyfle arbennig

Dywedodd y cyngor sir y byddai ffyrdd yn cau er mwyn achosi cyn lleied o drafferthion â phosib ac i warchod diogelwch y cefnogwyr.

"Rydym eisiau dangos i'r tîm ein bod yn ddiolchgar am yr hyn y maen nhw wedi ei wneud i'n dinas," meddai arweinydd y cyngor, y Cynghorydd David Phillips cyn yr orymdaith ddechrau.

Cefnogwyr Abertawe yn aros i'r bws fynd heibio Ymgasglodd miloedd o gefnogwyr yng nghanol Abertawe

"Rydym am roi cyfle i'r 33,000 oedd yn Wembley a'r rhai na allai fynd yno i ddangos eu cefnogaeth i'r arwyr.

"Roedd 'na filoedd yn y ddinas pan wnaeth y tîm sicrhau dyrchafiad (yn 2011) ac rydym yn disgwyl cymaint eto.

"Dim ots os nad ydach chi'n gefnogwr pêl-droed a'i pheidio, mae hyn yn gwbl bwysig i'r ddinas."

Fe ychwanegodd Arglwydd Faer Abertawe, Dennis James, bod hyn yn gyfle arbennig i'r Elyrch ac i Abertawe.

"Ar ôl y dyrchafiad i'r Uwch Gynghrair, mae digwyddiadau dydd Sul yn gychwyn pennod newydd yn hanes rhyfeddol y clwb."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.