Rheithgor yn ystyried eu dyfarniad ar ôl i ŵr ladd ei wraig

John Yates Mae John Yates wedi cyfaddef i'r drosedd o ddynladdiad ond mae'n gwadu llofruddio ei wraig

Straeon Perthnasol

Mae'r rheithgor yn achos dyn sydd wedi ei gyhuddo o lofruddio ei wraig, cyn rhoi ei chorff yng nghist ei gar, yn ystyried eu rheithfarn.

Mae John Yates, 58 oed o Warrington, wedi ei gyhuddo o guro ei wraig Barbara i farwolaeth ym mis Gorffennaf 2012.

Mae o'n gwadu cyhuddiad o lofruddiaeth ond mae'n cyfadde' dynladdiad.

Fe yrrodd i swyddfa'r heddlu yn Llanelwy ym mis Gorffennaf y llynedd gyda chorff ei wraig yn ei gar.

Wrth grynhoi'r achos, dywedodd y barnwr Merfyn Hughes QC bod y ffaith fod Mrs Yates wedi tynnu cwyn yn erbyn ei gwr yn ôl ar ôl iddi gael triniaeth ysbyty wedi iddo ei tharo, wedi bod yn gamgymeriad a allai fod wedi achub ei bywyd.

"Os nad oedd o am gael ei wraig doedd neb yn mynd i'w chael," meddai.

Mae'r achos yn parhau.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.