Gwleidydd o Gymru'n rhan o honiadau yn erbyn Rennard

Yr Arglwydd Rennard Mae'r Arglwydd Rennard yn gwadu'r honiadau yn ei erbyn

Mae un o'r merched a wnaeth honiadau yn erbyn cyn-brif weithredwr y Democratiaid Rhyddfrydol yn aelod o'r blaid yng Nghymru.

Cadarnhaodd Alison Goldsworthy ei bod yn un o'r merched dienw a gafodd eu cyfweld gan Channel 4 News, oedd yn dweud eu bod wedi cael eu poeni gan yr Arglwydd Rennard.

Mae o'n gwadu'r honiadau o ymddygiad rhywiol amhriodol.

Dywedodd Ms Goldsworthy ei bod yn "anochel" y byddai ei henw'n cael ei ddatgelu.

Yn gyn-ymgeisydd ar gyfer Y Cynulliad Cenedlaethol, mae hi'n gweithio i gwmni cysylltiadau cyhoeddus yng Nghaerdydd.

Mae hi hefyd yn ddirprwy-gadeirydd gweithgor ffederal y Democratiaid Rhyddfrydol.

Diffyg parch

Mewn datganiad, dywedodd: "Gallaf gadarnhau mai fi oedd y ferch yn narllediad Channel 4.

"Rwy'n canmol Channel 4, y Democratiaid Rhyddfrydol ac unigolion o fewn y blaid, am yr ymdrechion i geisio cadw fy enw'n anhysbys dros gyfnod o flynyddoedd.

"Rwy'n siomedig fod pobl yr oeddwn i'n ystyried yn ffrindiau a ffynonellau eraill wedi dewis peidio parchu hynny, a nawr ei bod yn anochel y bydd fy enw'n cael ei ddatgelu, rwyf wedi penderfynu gwneud hynny fy hun.

"Byddaf yn cydweithio â'r ymholiadau a does gen i ddim sylw pellach i'w wneud."

Bydd swyddogion o'r Democratiaid Rhyddfrydol yn cwrdd â Heddlu Llundain i drafod yr honiadau yn erbyn yr Arglwydd Rennard.

Mae'r Arglwydd Rennard, oedd hefyd yn brif strategwr ac ymgynghorydd i nifer o arweinwyr y blaid, wedi sôn am ei "sioc" ynglŷn â'r honiadau, gan ddweud eu bod yn "camliwio" ei gymeriad yn llwyr.

Dywedodd nad oedd yn ymwybodol o unrhyw gwynion yn ei erbyn yn ystod ei 27 mlynedd yn gweithio i'r blaid ond ei fod wedi gadael grŵp y Democratiaid Rhyddfrydol yn Nhŷ'r Arglwyddi am y tro er mwyn osgoi "embaras" i'r blaid.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.