26 Chwefror 2013 Diweddarwyd 10:26

Arestio dyn wedi ymosodiad ar yr actor Rhys ap William

Rhys ap William fel Cai yn Pobol y Cwm Cafodd Rhys ap William - oedd yn chwarae rhan Cai yn Pobol y Cwm - anafiadau yn oriau mân bore Sul

Mae'r heddlu sy'n ymchwilio i ymosodiad ar actor yng Nghaerdydd wedi arestio dyn yn y ddinas ar amheuaeth o ymosod.

Cafodd y dyn 24 oed o ardal Trelái ei arestio ar ôl apêl yn y wasg ac ar y cyfryngau wedi i Rhys ap William gael ei anafu.

Cafodd yr actor 37 oed anafiadau tua 0.15am bore Sul Chwefror 24 y tu allan i dafarn yr Admiral Napier ar Heol Ddwyreiniol Y Bont-Faen.

Mae'r heddlu wedi diolch i bawb am wybodaeth.

Mae'r actor yn gwella o anafiadau difrifol yn yr ysbyty.

Os oes gan unrhyw un wybodaeth all fod o gymorth i ymchwiliad yr heddlu fe ddylen nhw ffonio'r orsaf yn Y Tyllgoed ar 029 2057 1545 neu Taclo'r Tacle ar 0800 555 111.

Mwy Am y Stori Hon

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2013 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.