Bygythiad i 70 o swyddi ffatri gaws

Caws Mozzarella Mae'r ffatri'n cynhyrchu caws mozzarella

Straeon Perthnasol

Bydd ffatri gaws yn cau yng Ngorllewin Cymru gan olygu y gallai 70 o bobl golli eu swyddi.

Dywedodd cwmni Saputo, sydd â'u pencadlys yn Montreal, Canada, eu bod wedi dechrau ar gyfnod ymgynghori 30 diwrnod i gau eu ffatri yng Nghastell Newydd Emlyn.

Caws mozzarella sy'n cael ei gynhyrchu ar y safle.

Bydd y cwmni hefyd yn cau ffatri gaws yn Heiden yn yr Almaen wrth iddynt roi'r gorau i'w busnes yn Ewrop.

Mae cwmni Saputo wedi bod yn berchen ar y ffatri yng Nghastell Newydd Emlyn ers 2007, wedi i gwmni Dansco fynd i'r gwellt.

Yn 2009 collodd 40 aelod o staff eu swyddi yno oherwydd gostyngiad ym mhris caws a diffyg cyflenwyr llaeth.

Mewn datganiad, dywedodd Saputo fod symud i farchnad Ewrop wedi bod yn "brofiad heriol".

Cyfarfod brys

Mae Rhodri Glyn Thomas, Aelod Cynulliad Plaid Cymru dros Ddwyrain Caerfyrddin a Dinefwr, yn bwriadu galw am gyfarfod brys gyda Llywodraeth Cymru ynglŷn â'r cynlluniau i gau'r ffatri.

"Mae'n newyddion siomedig iawn i weithwyr Saputo a'r diwydiant cefn gwlad yn ehangach. Mae nifer o ffermwyr yng ngorllewin a de orllewin Cymru'n cyflenwi'r ffatri. Cafodd pwysigrwydd y safle ei ddangos yn y frwydr i ddiogelu dyfodol yr hen ffatri Dansco," meddai Mr Thomas.

"Mae'n hollbwysig eu bod yn edrych nawr ar bob opsiwn i gadw'r gwaith i fynd a chadw gweithwyr yn eu swyddi - boed hyn trwy ddod o hyd i brynwr posib neu trwy fodel cydweithredol lleol.

"Byddaf yn siŵr o godi hyn gyda Llywodraeth Cymru fel bod cymaint o gefnogaeth â phosib yn cael ei roi i'r gweithlu."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.