Medal Aur arall i Becky James

Becky James Mae Becky James o'r Fenni wedi ennill dwy fedal aur a dwy efydd

Yn dilyn ei llwyddiant yn y ras wibio ddydd Sadwrn, mae Becky James o'r Fenni wedi ennill medal aur arall ym Mhencampwriaeth Seiclo Trac y Byd yn Belarws.

Eisoes mae Becky wedi ennill dwy fedal efydd ac un aur yn y bencampwriaeth.

Ddydd Sul fe ddaeth i'r brig yn y gystadleuaeth 'Keirin' i'r merched.

Dyma'r ras lle mae'r cystadleuwyr yn dilyn beic gyda modur arno ar ddechrau'r ras, cyn i hwnnw ymadael cyn y diwedd gan adael i'r beicwyr ymgiprys am y medalau.

Yn dilyn y rhagbrofion, roedd Becky James yn agos i gefn y grŵp oedd yn dilyn y beic, ond rhuthrodd i'r blaen cyn y diwedd i gipio pedwaredd medal o'r Bencampwriaeth.

Mae un o fawrion y gamp, Victoria Pendleton, wedi darogan bod hyn yn ddechrau ar yrfa ddisglair iawn ym myd seiclo i Becky James.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.