Toriadau cyngor Powys: Gohirio penderfyniad

Pencadlys Cyngor Powys Gallai'r cyngor arbed £4.8 miliwn drwy dorri 200 o swyddi

Straeon Perthnasol

Mae cynghorwyr ym Mhowys wedi gohirio pleidlais ar gynllun i ddiswyddo tua 200 o staff yr awdurdod lleol.

Mae Cyngor Powys yn ceisio arbed £30 miliwn dros y tair blynedd nesaf.

Mewn cyfarfod yn Llanfair-Ym-Muallt penderfynodd cynghorwyr gohirio'r bleidlais tan Fawrth 4 neu 5.

Mae undeb Unison yn gwrthwynebu'r cynllun i dorri swyddi a allai arbed £4.8 miliwn i'r cyngor.

Gwrthwynebiadau

Roedd cabinet y cyngor wedi argymell torri 75% o grantiau cymunedol a dechrau codi tâl ar drafnidiaeth i ddisgyblion dosbarth chwech.

Ond yn dilyn gwrthwynebiadau dywed y cabinet eu bod yn awr yn bwriadu torri 25% o grantiau cymunedol gan gyflwyno'r toriadau dros gyfnod o dair blynedd.

Fe fydd cynghorwyr hefyd yn cynnal mwy o drafodaethau cyn iddynt benderfynu ynghylch dechrau codi tâl ar drafnidiaeth i ddisgyblion chweched dosbarth ai peidio.

Cyfarfu'r cyngor llawn i drafod cyllid y flwyddyn ariannol nesaf ddydd Iau ond cafodd cynnig gan y grŵp Llafur i ohirio'r penderfyniadau ynghylch y toriadau ei gefnogi gan gynghorwyr.

Dywedodd arweinydd y cyngor, ac arweinydd grŵp Annibynnol y Siroedd, David Jones: "Rwyf wastad wedi cydnabod fod gen i weinyddiaeth leiafrifol a bod yn rhaid inni wrando ar grwpiau eraill."

Dywedodd Aled Davies, sy'n rhan o'r grŵp Ceidwadol, ei fod yn anhapus bod y penderfyniad wedi'i ohirio.

Ond roedd arweinydd grŵp Cynghrair Annibynnol Powys eisoes wed codi pryderon ynghylch gwneud penderfyniadau "yn rhy gyflym".

Fe wnaeth aelod o'r grŵp Llafur, Sandra Davies, annog y cyngor i ohirio'r penderfyniad wrth i fwy o drafodaethau gael eu cynnal.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.