Lluniau o Gymru mewn arddangosfa yng Nghaerdydd gan Bonhams am y tro cynta'

'Moon over Crib Goch' gan Syr Kyffin Williams Un o hoff olygfeydd Syr Kyffin Williams oedd yr un dros Grib Goch

Straeon Perthnasol

Fe fydd cwmni arwerthwyr Bonhams yn cynnal eu harddangosfa fawr gyntaf o weithiau artistiaid o Gymru yng Nghaerdydd.

Fe fydd y lluniau, sy'n cynnwys rhai o arlunwyr mwya' Cymru'r 20fed Ganrif yn cael ei gynnal bron i bythefnos cyn arwerthiant o nifer ohonyn nhw.

Ymhlith yr artistiaid y mae gwaith John Piper, Ceri Richards a Syr Kyffin Williams.

Mae'r lluniau yn amrywio o ran rhai olew, dyfrliw neu ddarluniau ac yn amrywio o ran pris rhwng £200 a £22,000.

Fe fydd yr arddangosfa o luniau yn Bonhams, Park Place Caerdydd rhwng 10am a 3pm ddydd Gwener a dydd Sadwrn.

Fe fydd yr arwerthiant yn Bonhams, Caer ar Fawrth 6.

"Ers blynyddoedd mae Bonhams wedi bod yn gysylltiedig â gwerthu darluniau Cymreig," meddai Jeff Muse, Cyfarwyddwr Rhanbarthol.

"Mae'n bleser cael cymaint o ddarnau i'w harddangos yng Nghaerdydd cyn yr arwerthiant."

Un o'r lluniau sydd ar werth yw 'Moon over Crib Goch' (lot 196), gwaith olew gan Syr Kyffin.

Mae 'na amcan bris o rwng £12,000 a £18,000, golygfa oedd mor hoff gan yr artist.

Yn ogystal mae 'na ddarluniau cartŵn wnaeth yr artist ohono ei hun.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.